|
Martzelino Soroa. Urrutiko Intxaurrak
Zortzigarren Irudia.
VIII
Pillipe.- Karta hau Prenandorentzat.
Juan Bautista.- Dagoeneko?
Prenando.- Bai, nola nik bidean bi hilabete gehiago pasa ditudan…
Pillipe.- Beraz, alkateak esan dituenak egiak gertatzen dira?
Ameriketara joan?
Ez, ez: ezti atzera.
Hango lurretan gorputz
ta arima galtzera? |
Hobe dut hemen bakean bizi nire behi paretxoarekin eta Mainttonirekin…
Prenando.- (Oihu bat eginik) A! Galdua naiz!
Besteak.- Zer da? (Guztiak altxatzen dira mahaitik estuasunarekin)
Prenando.- Nik dirua soziedade horretan jartzeko eman nion etxeko jabeak malkarrot egin duela.
Besteak.- Malkarrot?
Prenando.- Eta guztiarekin alde egin duela.
Juan Bautista.- A! Horra, horra, mundu honetan Jaungoikoaren lege santuaz ahaztu eta bizitzearen okerrak.
|
