1- Zer da Olinpiar Jokoetatik gehien gustatu zaizuna?

2- Kirolari gipuzkoarren lana jarraitu al duzu hurbiletik?

Alvaro Bajo 15 urte 1- Hipika jarraitu dut, zaldiak asko gustatzen baitzaizkit. Aitak zaldi bat du eta Donostiako hipodromora lasterketak ikustera joaten naiz ahal dudan guztietan. 2- Pixka bat. Iker Martinez eta Xabier Fernandezek belan urrea lortzea ikaragarria da.	Aizea Rodriguez 15 urte 1- Igeriketa sinkronizatua asko ikusi dut. Txundituta geratzen naiz egiten dituzten mugimenduekin; oso ikusgarria da, eta udan igerilekuan aritu naiz pixka bat horretan. 2- Ez dut gehiegi jarraitu gipuzkoarren lana, baina badakit bi gipuzkoarrek urrea lortu dutela belan.	Ander Mujika 16 urte 1- Mikel nire klasekideak bezalaxe, saskibaloi torneoa gertutik jarraitu dut. Espainiako selekzioak maila bikaina erakutsi zuen, azkenean zorte handirik izan ez zuen arren. 2- Pixka bat, baina gehienek bezala belako bi gipuzkoarren lana, batez ere. Urrea eskuratzea gauza handia izan da bientzat.

Jone Acosta 17 urte 1- Gizonezkoen gimnasia artistikoa eta emakumeen gimnasia erritmikoa. Erritmikoan ibilitakoa naiz, baina zaharregia nintzela eta utzi beharra izan nuen. 2- Ez dut gehiegi ikusi, baina jakin badakit Naroa Agirre seigarren geratu zela pertika-jauzian, eta belan ere primeran ibili zirela bi gipuzkoar.	Mikel Guillorme 16 urte 1- Saskibaloia. Institutuan beti saskibaloian aritzen naiz. Espainia baina batez ere Pau Gasolen jarraitzailea naiz. 2- Naroa Agirre ederki ibili zen pertika-jauzian, eta ezusteko diploma ere eskuratu zuen. Belan urrezko domina lortu zutela ere badakit, nahiz eta nik ez dudan proba hori ikusi.	Aida Tejedor 15 urte 1- Gimnasia erritmikoa izan da gehien ikusi dudana. Horixe izan da Atenasko Olinpiar Jokoetan ikusi dudan kirol bakarrenetakoa; ikusteko politena zen, dudarik gabe. 2- Egia esanda, ez dakit kirolari gipuzkoarrak zer moduz ibili diren; ez naiz haien arrastoaren atzetik ibili.