CVCren txangozaletasunaren gala

Abenduaren 13an, 19:30ean, Vasco de Camping elkartearen txangozaletasunaren gala egingo da bere egoitzan. Pelikula bat, datorren urteko jardueren egutegiaren aurkezpena, argazki lehiaketako lanen aurkezpena eta sari banaketa... izango dira, besteak beste.

Igeriketako Nazioarteko Torneoa

Gipuzkoako igeriketako hitzordu garrantzitsuena jokatuko da abenduaren 29an, Ordizian. Iaz Donostian egin zenez txapelketa, aurten Ordiziako igerilekuan lehiatuko dira nazioarteko punta-puntako igerilariak.

Atlético SSen Multikirolak ekimena

Azken urteotan egin ohi duen lez, Atlético SS taldeak ezagunegiak ez diren kirolak praktikatzeko aukera eskainiko du abenduaren 26tik 28ra eta urtarrilaren 2tik 4ra Bera-Berako instalazioetan.

Urte amaierako lasterketak

Gero eta proba gehiago antolatzen dira urteko azken egunean, Gipuzkoan: Zarautzen, Beasainen, Azpeitian, Billabona, Ordizian, Errenterian... Donostiako San Silvestreak ia zortzi kilometro izango ditu; Antiguan hasi eta Easo plazan amaituko da.