 |
|
|
|
02
Erreportajea
|
Iñigo Díaz de Cerio eta Larraitz Lucas |
|
Talde txuri-urdineko bi aurrelariek denboraldiari buruzko beren ikuspegia eman digute. Sara Santos
|
| Beti txuri-urdin! |
|
Denboraldiaren balantze egiteko une aproposa da Realeko
neska-mutilentzat. Horretarako, bi taldeetako ikuspegiak jaso ditugu.
|
IÑIGO DÍAZ DE CERIO
Realeko
aurrelaria ezinbesteko jokalaria izan da
azken bi
urteotan taldearen bilakaeran. Bigarren mailan denboraldi gogorra pasa
duen arren, sartu dituen golak joan den urtekoak baino pozgarriagoak
direla aitortu digu.
– Izan al
du eraginik
taldearen egoerak zuk jokatzeko aukera gehiago izatean?
– Hasiera batean agian bai, ekonomikoki Reala hain ongi ez
egoteak etxeko jokalariei jokatzeko aukera gehiago eman dizkielako.
Hasieran oso zaila izaten da jokatzeko aukera izatea, eta nik
aprobetxatu egin ditut izan ditudanak. Orain jokatzea, berriz, nire
meritua edo taldearen meritua da, eta ez horrenbeste taldearen
egoerarena.
–
Iñigol esaten
dizute…
– Ez zait asko gustatzen, izen hori urte askotako
merezimenduaren
ondorioz lor baitaiteke, baina jarri egin didate...
–
Pitxitxi izateko aukera
duzu. Zure helburua al da?
– Errekonozimendu bat da, baina aurten zaila izango da, bost
goleko aldea baitut aurrekoarekin. Hala ere, ez da inolaz ere
nire helburua, Reala lehen mailan egotea baizik. Gol asko sartzea oso
positiboa da taldearen onerako bada, bestela ez du ezertarako balio.
–
Gola
sartzeko aukera
galtzen duzula diotenean, zer pentsatzen duzu?
– Golak sartzen dituzunean, jendeak beste gauza batzuetan
jartzen
du arreta. Golak sartuko ez banitu, hori kritikatuko lukete. Beti dago
exijentziaren bat, beti aurkitzen dute esateko zerbait. Badakit aurten,
urduritasunaren ondorioz, zenbaitzuetan huts egin dudala, eta hori
hobetzeko asmoa dut. Oro har, nahiko pozik nago aurten egin dudanarekin.
–
Realaren igoera gertu
dagoela sumatzen duzu?
– Urte osoa daramagu lanean, burua sartzen saiatzen ari gara,
baina ez da erraza. Beste taldeak ere ondo daude. Hala ere,
itxaropentsu gaude. Ni oso positiboa naiz; aurten igotzeko aukera
polita dugu eta horri begiratzen diot. Taldea oso sendo dago orain,
oso indartsu.
–
Bigarren mailara
jaitsiera nola bizi izan zenuen?
–Oso zaila izan zen, profesional gisa nire lehen urtea
zelako,
alde batetik, eta betidanik Realzalea naizelako, bestetik. Oso egun
gogorrak izan ziren. Gero, egoerari aurre egin nion, eta lehen maila
lortzeko helburuaren alde borrokatu behar genuela hasi nintzen
pentsatzen.
–
Zapore
hobea izan al
dute bigarren mailan sartu dituzun golek lehen mailan sartu zenituenek
baino?
– Joan den urtean gol asko sartu nituen, baina ez zuten
ezertarako balio izan. Eta aurten, berriz, puntuak lortzen lagundu
digute sartu ditudan golek. Beraz, sentitu dudan poza desberdina izan
da. Golak sartu eta sailkapenean igotzea askoz ere pozgarriagoa da.
–Futbolean
izan duzun
igoera bizkor horretan, nola eragin dizute lesioek?
–Meniskoan egin zidaten ebakuntza, eta hilabete eta erdi egon
nintzen jokatu gabe. Lesioak beti une desegokietan iristen diren
arren, ez nuen amore eman. Zelaian lagundu ezin duzula
ikusteak
amorratu egiten zaitu, baina eutsi egin behar zaio.
– Zer
gustatuko litzaizuke
datorren urterako?
– Lehen mailan jokatzea gustatuko litzaidake, urte polita
egitea,
eta Realak beti izan dituen balioak berreskuratzea. Lehen mailan
nolanahi ere, noski. Taldea bigarren mailan gelditzen bada, ez da
aurtengoa bezalako urtea izango, beste bertsio bat baizik. Baina
ilusioarekin hartuko genuke eta hurrengo urtean igotzen saiatuko
ginateke.
–
Nola
bizi izan duzu
presidente aldaketa?
– Bestelako presidentzia bat da. Ez gaude horrelako kudeaketa
ereduekin ohituta. Enpresa mundutik dator, mundu osoan zehar ibili da,
eta beste gauza batzuk ezagutu ditu. Beraz, normala da taldea ezberdin
zuzentzea. Baina guk berdin jokatu behar dugu, gure lana egin behar
dugu, presidentea edozein izanda ere. Hala ere, Reala igotzen bada,
desagertu egingo dira aurten izan diren tirabira guztiak. Gure
kulturan, aldaketak onartzea kosta egiten zaigu batzuetan, baina ondo
konponduko garela uste dut.
– Futbola
eta ikasketak
bateratu egin dituzu?
– Giza Zientziak-Enpresa ikasi nuen, eta oso zorte ona izan
dut
alderdi horretan, Sanseko etapa bukatu nuenean amaitu bainuen karrera.
22 urte izan nituen arte ez nuen jakin futbol profesionalean arituko
nintzela. Garbi nuen ikasketak bukatu nahi nituela, ez nekielako futbol
profesionalean etorkizunik izango ote nuen.
– Zer
gustatuko litzaizuke
zuretzat etorkizunean?
– Urte askotan futbolean ibiltzea, ahal bada Realean.
Bestela,
nonbait hasiko naiz lanean, egunak oso luzeak baitira etxean ezer egin
gabe egoteko.
LARRAITZ LUCAS
Neska txuri-urdinen bilakaerari buruz hitz egin dugu
Larraitz Lucasekin. Kapitaina taldearen orainaz eta etorkizunaz
mintzatu zaigu denboraldia bukatu duten honetan. “Nahiko
nekatuta
bukatu dugu, baina duintasun handiz”, azaldu digu.
– Atzera
begiratuz gero,
nola laburbilduko zenuke taldearen bilakaera?
– Lehenengo inflexio-puntua Superligara igotzea izan zen.
Hutsetik hasi eta lehenengo bi urteetan partida guztiak arazorik gabe
irabazi ondoren, Superligako lehen denboraldian nahiko gaizki pasa
genuen. Partida onak jolastu genituen, baina argi gelditu zitzaigun
aurrean genituen taldeak hobeak zirela. Gurea oso talde gaztea da.
–
Garbiñe
Etxeberriak gidaritza hartu duenetik etapa berria hasi duzue.
– Hau izan da Iñigok entrenatu gabe pasa dugun
lehen
urtea, baina aldaketa ez da handiegia izan. Garbiñe
hasieratik
egon da gurekin; ez genuen hutsetik hasi behar eta hori beti da
positiboa. Aldaketa txikiak antzeman ditugu, baina eguneroko lana
berdin mantendu da.
–
Zeintzuk dira taldearen
alderdi positiboak?
– Baloiarekin erraztasuna dugu, baina gola asko kostatzen
zaigu.
Aurten 20 gol sartu ditugu. Aukerak izaten ditugu, baina golak ez dira
etortzen.
–
Oso
exijentea zara?
– Oso exijentea naiz, batzuetan gehiegi. Baina gauden lekuan
egonda, oso garrantzitsua da exijentzia maila handia izatea. Superligan
gaude, eta hori ez da gauza txikia.
– Eta
nola bizi dituzu
porrotak?
– Lehenengo itzulian, beheko postuetan geundela, bide onetik
ote
gindoazen zalantza sortu zitzaidan. Baina une latzei aurre egin behar
zaie, ezin zara besoak uztarturik gelditu. Positiboa izan eta gogor lan
egin behar duzu. Emaitzak lehenago edo beranduago etorriko dira.
–
Datorren denboraldiari
begira, zein helburu duzue?
– Helburu nagusia blokea mantentzea da. 19 jokalarietatik
lauk ez
dute jarraituko lana edo ikasketak direla medio, eta fitxaketa berriak
egin beharko ditugu.
–
Harrobiak erreleboa
bermatzen al du?
– Harrobi eskasa dago Gipuzkoan. Egungo neskek nahiago dute
gauetan atera futbolean jokatu baino. Gazteen exijentzia maila baxuagoa
da. Halere, dagoen harrobia polita da, teknikoki oso maila ona
dagoelako.
–
Zein
fitxaketa egin
nahiko zenuke?
– Itziar Gurrutxaga Athleticeko jokalaria fitxatu dezaten
nahiko
nuke.
–
Gogoratzeko moduko
uneren bat?
– Bakar bat esango dizut, aldi berean latzena eta onena izan
baita. Huelvako Sporting eta Kanariar Irletako Rayco taldeek jokatzen
zuten partida ikusteko elkartu ginen. Gure igoera partida horren menpe
zegoen: Raycok irabaztea behar genuen. Partida bukatzeko hiru minutu
gelditzen zirenean, Raycok zelaitik alde egin eta partida bertan behera
gelditu zen. Denboraldi aurrekoa non egongo ginen jakin gabe hasi
genuen. Benetan latza izan zen. Baina gauzak ez ziren horrela gelditu.
Beste talde batek ere alde egin zuen eta bigarren onena igo zen: gu.
Jakin genuenean ikaragarria izan zen.
–
Afizioari zenbat puntu
emango zenizkioke?
Hamar bat jarriko nioke. Etortzen direnak ez dira asko, baina
ikaragarri animatzen gaituzte. Familia, lagunak, lagunen lagunak...
Momentu onetan, baina txarretan ere bai, gure ondoan egoten dira.
–
Emakumeentzat ez da
erraza lehen mailako taldeetan jokatzea, kirola eta lana partekatzea
egokitzen zaizuelako...
– Magisteritzako karrera bukatzen ari naiz, lanean nago eta
futbolean jokatzen dut. Ulertzen diet aurten taldea utzi behar izan
dutenei. Gaur egun ezin gara futboletik bizi, goren mailako taldean
jokatu arren.
– Mutilei
buruz galdetuko
dizut. Uste duzu Realak igotzeko aukera duela?
– Aukerak baditu, baina dena ez dago beraien esku. Oso futbol
polita egiten ari dira eta onena opa diet. Bigarren mailan egon arren,
lehen mailako taldea da, oso jokalari onak ditu eta fitxaketa benetan
onak egin dituzte, Martí esate baterako.
|
|
| |
 |
 |
|
|
|
 |
