 |
|
|
|
04
Donostia kirola
| Donostia
Kirola |
 |
Kirol
Patronatuak logotipoa berritu du |
|
Irudi modernoago
eta dinamikoagoa ematea eta Donostiako hiriaren
eta kirolaren arteko lotura adieraztea du helburu
|
Kirol
Patronatuak lan handia egin du
azken urteotan azpiegiturak berritu eta bazkideei eskaintzen dizkien
zerbitzuak hobetzearren, eta helburu horretan aurrera egiteko, kirol
marka eta logotipo berria aurkeztu ditu. Bere irudia gaurkotzeko,
Donostia Kirola izendapena hartu eta teknologia berriak eta Internet
iradokitzen digun logotipoa sortu du.
Azken 25 urteotan izan denak baino “irudi modernoagoa eta
dinamikoagoa” erakusten du logotipo berriak, eta izendapenak,
berriz, kirolaren eta Donostiako hiriaren arteko lotura adierazten du,
Donostia Kultura edo Donostia Bus markek egin dutenaren antzera. Izan
ere, duela gutxi arte ikusi ahal izan dugun logotipoan agertzen ziren
hiru atleten irudia honezkero zaharkituta zegoela pentsatzen zuten
Patronatuko arduradunek. Izendapena ere, “Kiroletako
Udal
Patronatua, Donostia”, luzeegia zela uste zuten.
Teknologia berriak
Logotipo berria lehengoa baino sinpleagoa da, begi-kolpe batez
Patronatuaren marka dela argi antzeman dadin. Hondo urdinaren gainean,
lerro kurbatua du, beltzez, eta igerilari baten burua dirudiena
antzeman daiteke, gorriz.
Marka berriak behe-gidoia du, teknologia berriak eta Internet iradoki
nahian, eta, behealdean, “San Sebastián”
hitza,
hiriaren izen ofiziala erakutsi eta Donostiatik kanpo errazago ezagutu
dadin. Irudia Patronatuko langile batek egin du onginahi hutsez, baina
ez du bere izena aditzera eman nahi izan.
Kirol marka eta logotipo berria Martxan ferian eman ziren
ezagutzera. Bertan, Patronatuaren zerbitzuen, kirol-instalazio berrien
eta UDA 2008 kanpainaren berri emateko erakusmahaia izan zuen Donostia
Kirolak.
|
|
| |
 |
 |
|
|
|
 |
