2- Zer egin beharko litzateke kirolera ikasle gehiago erakartzeko?

3- Kirol-eskaintza zabala duzuela uste al duzu?

4- Datorren ikasturteari begira, aldaketarik egiteko asmoa duzue?

1- Bai, gure ikastetxean kirola egiten duen ikasle kopurua %80koa da, eta beraz, pozik gaudela esan behar dugu. Aurreko urteekin alderatuz, ordea, kirolarien portzentajea ez da asko aldatu, beti izan baititugu kopuru altuak. 

2- Ondo pasatzea izan behar da helburua, lehiakortasuna alde batera utziz eta lagunekin kirolean disfrutatuz. Gure gizartean oso barneratuta dago irabazi beharrarena, eta horrek ez dio mesede handirik egiten kirolari, ondo pasa beharrean, gaizki pasarazten digulako. 

3- Patronatuaren kirol anitzeko programan parte hartzen dugu eta gustura gaude kirol-eskaintzarekin. Noizean behin, kirolak tartekatzea eskatuko genuke, baina ulertzen dugu horrek duen zailtasuna.

4- Une honetan lanean ari gara, izan ere, hainbat aldaketa egin nahi ditugu. Alde batetik, ekintza berriren bat sartu nahi dugu. Bestalde, ikuspuntu berriei heltzeko gogoa dugu.

5- Eskola kirolak alderdi positibo ugari du: ikasleei irakasten dizkien baloreak, ondo pasatzea, laguntasuna... Oso zerrenda luzea egingo nuke!

1- Amara Berri ikastetxean ikasleen %92ak kirola egiten du. Aurreko urteekin alderatuz, parte-hartzea mantendu egin da, kopuru horretatik igotzea zaila da eta.

2- Kirol gehiago eskainiko genituzke baina, zoritxarrez, ez dugu lekurik. Une honetan, ikastetxean dugun eragozpenik handiena kirol-instalazioen falta da. Kirola egiteko egokiak diren espazioak beteta ditugu eta, horrenbestez, zaila da ekintza gehiago eskaintzea.

3- Bai, gure kirol-eskaintza oso zabala da: banakako kirolak (judoa, eskupilota, atletismoa, igeriketa, txirrindularitza...) eta talde-kirolak (hockeya, futbola, eskubaloia...) egiteko aukera dute gure ikasleek.

4- Bai, datorren urtean Gim Dance izeneko jarduera berria eskainiko dugu. Kirol modalitate honetan, ikasleek hainbat dantza ikasteko aukera izango dute: batuka, hip hop, street dance, eta abar.

5- Eskola kirolaren alderdi positiboak asko dira. Alde batetik, kirolak berak dituen gaitasun hezitzaileak oso garrantzitsuak dira, laguntasuna eta talde-lana bultzatzeko baliogarria baita. Gure ikastetxean, baloreak irakasteko tresna garrantzitsua da, eta emaitzak alde batera uzten ditugu. Bestetik, ikasle guztien parte-hartzea ahalbidetzen du eskola kirolak. Zentzu horretan, kirol-taldeak osatzeko orduan, lagunen arabera osatu behar direla uste dugu, jokalarien maila kontuan hartu gabe.