1-  Ikastetxeko haurren %70ak egiten du eskola kirola, eta beraz, kopurua egokia dela esango nuke. Hala ere, aurreko urteetatik hona parte-hartzea gainbeheran dago. Aurten, aurreko urtearekin alderatuz, zertxobait igo da, baina orokorrean, parte-hartzaile kopurua jaitsi egin da.

2- Aldagai askok baldintzatzen dute ikasleen parte-hartzea. Garrantzitsuena, kirolean aritzea gogoko izatea da.  Lagunek ere garrantzia dute; kirola egitera animatzen ez badira, ikasleak nekez emango du izena. Ordutegiak ere zeresan handia du, egungo haurrek hamaika gauza egiten baitituzte. Beraz, gurasoentzat eta ikasleentzat ahalik eta errazenen eta erakargarrien bihurtu behar da eskola kirola.

3- Ikasleek ahalik eta kirol gehien probatu beharko lituzkete, baina hori oso zaila da. Oso kirol-eskaintza zabala baduzu, taldeak osatzeko arazoak sortzen dira, ez baitago behar adina kirolari. Horregatik, lau kirol eskaintzen ditugu: futbola eta hondartza-futbola, saskibaloia, eskubaloia eta hockeya. Horiez gain, ikastolan beste hainbat jarduera eskaintzen dugu: txirrindularitza eta pilota, esaterako.

4- Ziurrenik zenbait aldaketa egingo ditugu, eta baliteke kirol eskaintza hobetzeko ekintza berriren bat sartzea. 

5- Eskola kirolak onura psikologikoak, sozialak eta balio hezitzaileak transmititzen ditu. Alde batetik, autoestimuan, gogo aldartean… eragiten du. Horrez gain, integrazioa ahalbidetu, sozializazioa bultzatu eta aisialdiko ohitura aldaketan eragiten du. Azkenik, balio hezitzaileak transmititzen ditu: errespetua, talde-lana, autokontrola…

1- Lehen Hezkuntzan 444 ikasle ditugu eta horietatik 398k kirola egiten dute. Horrek esan nahi du parte-hartze kopurua %90ekoa dela. Pozik gaude zenbakiekin, gustatuko litzaiguke %100era iristea, noski, baina azken urteotan igoera nabarmena izan dugu, eta beraz, ezin gara kexatu. 

2- Nire ustez, eskaintza zabala izatea da arrakastaren giltzarria: ikasleek kirola egiteko aukera handia dute eskolan. Izan ere, guztiek ez dute futbola edo saskibaloia atsegin. Horrenbestez, beste kirolen bat egiteko aukera eman behar zaie.

3- Gure eskaintza oso zabala da eta une honetan daukagunarekin konforme gaude. San Sebastian-Donostia Judo Klubarekin hitzarmena sinatu dugu eta oso pozik gaude, judoak oso harrera ona izan baitu gure ikastetxean. Horrez gain, eskerrak eman behar dizkiogu Fortunari Zuhaizti Kiroldegian eskola kirolako hainbat jarduera burutzeko lekua uzteagatik. 

4- Ez. Kirol gehiago eskainiko genituzke, baina bai ordutegiaren aldetik, bai espazioaren aldetik, mugatuta gaude. Hori dela eta, hurrengo ikasturtean eskaintza bera egingo dugu. 

5- Guraso asko kexu dira umeek telebistaren eta kontsolaren aurrean denbora asko pasatzen dutelako.  Eskola kirola oso  egokia da horri aurre egiteko. Horrez gain, ondo pasatzeko, loditasuna saihesteko eta, beraz, osasuna zaintzeko aukera ematen die eskola kirolak ikasleei.