 |
|
|
|
05
Hileko izarra
Patxi Urizar Duatleta |
|
Txirrindulari
eta lasterkari onena |
Distantzia
luzeko Euskadiko txapelketa irabazi du bigarren urtez Patxi Urizarrek.
Duatloian hasi zenetik hamar urte igaro dira, eta sasoi onean dagoela
frogatu du.
|
Patxi
Urizar
duatletak emaitza bikainak lortu ditu berriro ere. Joan den hileko
probetan, hain justu, agerian gelditu da Atletico de San Sebastian
klubeko atletaren nagusitasuna. Distantzia luzeko Euskadiko
Txapelketan eta Arrigorriagako XI. Duatloian parte hartu berri du, eta
bietan izan da garaile.
Urizarri ez zaio garaipena arrotz egiten. Iaz ere Euskadiko txapela
irabazi zuen, eta aurreko hiru urteetan, berriz, zilarra.
Proba gogorra
Aurtengoan, 34 urteko tolosarrak bi ordu eta 54 minutu behar izan ditu
proba osatzeko: 14 km korrika, 58 km bizikletaz eta, bukatzeko, 7 km
korrika. Lasterketa benetan gogorra izan da: «Haize handia
zegoen eta horrek asko zaildu zuen proba», azaldu digu
Urizarrek.
Patxi Urizar gaztetan hasi zen kirola egiten. Txirrindularitzak
atletismoak baino lehenago erakarri zuela esan digu. «20 urte
bete nituen arte txirrindularitzan aritu nintzen. Duatloian, berriz, 24
urterekin hasi nintzen. Lehenengo bi denboraldiak gogor samarrak izan
ziren, ez bainuen korrika egiteko ohiturarik. Halere, denbora pasa
ahala, hobetzen hasi nintzen».
Egunero entrenatzea
Aurten, hamar urte bete dira duatloian hasi zenetik, eta emai-tzak
agerikoak dira. Urizarrek gogoz lan egiten du, egunero. Ez du
entrenatzailerik, bere kontura egiten ditu prestaketa-lanak.
«Eguerdian bizikleta saioa egiten dut, eta baita korrikako
entrenamendu laburra ere. Iluntzean, berriz, korrikako entrenamendu
luzea. Asteburuetan bizikletaz ibiltzen naiz».
Atletico San Sebastian klubean dago 2002 urteaz geroztik eta garaipenak
bata bestearen atzetik etorri zaizkio. Bat aipatzearren, 2006ko munduko
txapelketako S3 mailan brontzezko domina irabazi zuen.
Aurrera begira, berriz, Patxi Urizarrek bi helburu nagusi ditu:
«Euskal Herriko zirkuituan emaitza ona lortzea eta Frantziako
Powerman duatloi ospetsuan lehen hiru postuetan gelditzea». |
 |
Patxi
Urizarrek egunero entrenatzen du.
|
|
| |
 |
 |
|
|
|
 |
