|
–
Zure
lehen Olinpiadak izango dira, zer moduz ikusten duzu zure burua?
– Aurten, ur lasterretako nabigazioa dezente
hobetu dut. Orain, ikasitakoa eta landutakoa lehiaketan aplikatu behar
dut.
–
Bitan izan zara Pekinen entrenatzen. Zein berezitasun ditu kanal
olinpikoak?
– Izugarrizko kanal
artifiziala eraiki dute,
munduko kanalik zail eta gogorrena. Klima
aldetik, gainera, udan hezetasun eta bero handia izango dugu.
–
Zailtasunen bat aurreikusten duzu?
–
Zailtasun handiena kanalaren gogortasuna
izango da, eta, aldi berean, aukera onena ere bertan dagoela uste dut.
–
Espainiako
txapelketa zazpi aldiz irabazi duzu, eta Olinpiadatan egongo zara. Zer
gehiago eska dezakezu?
–
Gipuzkoan ur-bizietako kanal artifiziala
eraiki dezaten eskatzen dut. Beharrezkoa dugu Gipuzkoan
Slalomeko piraguismoa aurrera eramateko. Eta gauza gehiago eskatzerik
izango banu... Olinpiadetan edo munduko txapelketaren batean dominaren
bat irabaztea.
–
Zeri diozu
beldurrik handiena?
– Mina hartzeari,
dudarik gabe.
–
Gazte-gazterik hasi zinen piraguismoan, udako ikastaro batean zaletu
zinen. Nola gogoratzen dituzu hasi zineneko urte haiek?
– Talde polit batean hasi nintzen, non
lehenengo egunetik piraguismoaz disfrutatzen erakutsi
zidaten. Zortea izan nuen talde horretan hastean. Oroitzapen
ederrak ditut.
–
Zer esango
zenioke piraguista hasiberriari?
–
Piraguan ibiltzea gustuko badu, gogotik lan
egiteko eta disfrutatzeko esango nioke.
–
Entrenamenduei dagokienez, kanpoan entrenatu behar izaten duzu,
Euskadin leku aproposik ez dagoelako. Non entrenatzen duzu?
– Ia urte osoa etxetik urrun pasatzen dut.
Piraguismoan aurrera egin nahi dugunok ez dugu beste erremediorik,
Gipuzkoan ez baitugu toki egokirik gure kirola praktika-tzeko. Hainbat
hilabete Seo de Urgelen (Lleidan) ematen ditut, 92ko Joko
Olinpikoetarako egin zuten kanal artifizialean entrenatzen.
Bestalde, neguan asko bidaiatzen dut udan dauden herrialdeetara.
Maiatzetik aurrera, berriz, txapelketaz txapelketa ibiltzen naiz.
– Uste duzu
Euskadin ur bizien kanala eraikitzerik badagoela? Non izango litzateke
aproposa?
– Kanal bat eraikitzea gure
aspaldiko
aldarrikapena da. Jakina da gaur egun ur bizien kanala edonon eraiki
daitekeela. Adibidez, Atenaseko Jokoetarako ez zuten ibairik kanal bat
egiteko. Oztopoari aurre egiteko, itsasoko ura hartu eta
zirkuitu itxiko ikaragarrizko kanala eraiki zuten. Gipuzkoan, esate
baterako, toki askotan eraiki daiteke gure ibaietako urak
aprobetxatuz: Oria ibaian, Bidasoan, Urumean... Politikariak ados
jarri behar dira proiektua aurrera eramateko, baina ezinezkoa dela
dirudi.
|
