 |
|
|
|
05
Hipica 
Listorreta Zalditegia |
|
Listorreta zalditegian hastapen-ikastaroak eskaintzen dituzte.
Datorren udan,
zaldiz |
Gaur egun,
zaldiz ibiltzea
edonoren eskura dago. hastapen-ikastaroa egitea eta animalia ezagutzea
ezinbestekoa da mendira atera baino lehen.
|
San
Marcos,
Añarbe ingurua...
Donostialdean hamaika toki eder daude. Askorentzat ezagunak izango
dira, oinezko ibilaldiak egiteko ezin hobeak baitira. Baina ibilbide
horiek berak zaldi gainean egiteak erromantizismo kutsua eman diezaioke
gure paseoari.
Errenteriako Listorreta zalditegiak zaldiz ibilbideak egiteko aukera
eskaintzen du. Irteerak igande goizetan egiten dira, eta hiruzpalau
ordukoak izaten dira. «Zalditegitik goizeko hamarretan atera
eta
Errenteria inguruko bideetatik joaten gara. Askotan, jendeak eskatuta,
Añarbeko zingirara joaten gara, lauoinka ibiltzeko aukera
ematen
duen bidea delako. Gainera, ibilbidea ederra da benetan, naturarekin
harreman zuzen-zuzena ahalbidetzen duena. Gero, hamaiketakoa hartzeko
geldialdia egiten dugu sagardotegiren batean eta eguerdiko ordu biak
aldera itzultzen gara», azaldu digu Urbano Bravo zalditegiko
arduradunak.
Listorretan 60 zaldi baino gehiago dituzte. Batzuk zalditegikoak
bertakoak dira, eta besteak zaindu besterik ez dituzte egiten:
«Jana emateaz eta garbitzeaz arduratzen gara. Jabearen ardura
bakarra zaldia ateratzea da».
Ikastaroa,
beharrezkoa
Alokatzeko dituzten zaldiak gazteak eta indartsuak dira, baina
«ume batek maneiatzeko modukoak» direla argitzen du
Urbanok. Hala ere, mendira atera baino lehen, hastapen ikastaroa egitea
beharrezkoa dela ohartarazi digu: «Gurekin ibilbidea egiteko,
oinarrizko ezagutza izatea ezinbestekoa da, bestela istripuak
gerta daitezke».
Urbanok esan digunaren arabera, «aski da 10 orduko ikastaroa
egitearekin. Hasteko, zaldi-eskolan praktikatzea gomendatzen dugu.
Gero, trostan eta galopan ibiltzen ikasi dutela baieztatzen dugunean,
orduan ateratzen gara mendira».
Urte guztian zehar egin daitezke hastapen ikastaroak, jasotzen duten
eskaeraren arabera. Taldeak oso murritzak dira, bi edo hiru taldekidek
osatutakoak, eta honenbestez, «lagun bakoitzari behar duen
arreta
emango diogula bermatzen dugu». Zaldian ibiltzen ikasteko
adinari
dagokionez, 10 urtetik aurrerako haurrek erraz ikas dezaketela dio
Urbanok.
Zaldi-heziera
Zaldiak
gure aginduak bete ditzan, ezinbestekoa da bezatzea. Zaldi-heziera
zaldizkoaren beharren arabera egiten da. «Mendian edo pistan
ibiltzen irakasteko, adibidez, hiruzpalau hilabeteko lana behar dugu.
Aurrera, ezkerrera eta eskuinera joaten, eta trostan eta galopan
ibiltzen irakasten diogu. Bestelako ariketak egitea nahi badugu,
berriz, atzeraka edo artazika ibiltzea esate baterako, heziketa
sakonagoa beharko dute, hainbat urtekoa», argitu digu.
|
 |
Listorretan 60 zaldi baino
gehiago
daude.
|
|
| |
 |
 |
|
|
|
 |
