13
Pekingo Joko Olinpikoetan izango den kirolari euskaldun kopurua 13koa izango da. Abuztuaren 8an hasiko dira Olinpiadak, 08ko 8aren 8an. Zortzia oparotasunaren zenbakia omen da txinatarrentzat. Ez dute, beraz, data edonola aukeratu.

1.800
Donostiako VIII. Maratoi Erdiaren parte-hartzaile kopurua inoiz baino handiagoa izan da aurten. 1.800 lagunek eskatu zuten 21,097 kilometroko proba honetan korrika egiteko dortsala, joan den urtean baino ia 300 gehiagok.  

250
Montmeloko auto zirkuituan 250 kilometro orduko abiadura zeramala, Kovalainen finlandiarrari autoaren aurreko esekidura hautsi zitzaion, eta danbateko izugarria hartu zuen. Istripu ikusgarria izan zen arren, zorionez ez zitzaion ezertxo ere gertatu.

75
75 urteko japoniar bat Everest igotzen saiatuko da, munduko gailurrik handiena lortuko duen pertsonarik zaharrena izateko.  Duela bost urte lortu zuen estraineko aldiz, baina iaz herrikide batek marka kendu zion eta berreskuratu egin nahi du..