Xala
Zubieta atzeko koadroetan lagun zuela, Xala Iparraldeko aurrelariak eskupilotako Binakako Txapelketa irabazi berri du, eta hori gutxi balitz, txapelketako pilotari onena izendatu dute. Goi mailan aritu da lekuindarra.

Alvarez irabazle, xake txapelketan
Aramis Alvarez maisu kubatarrak irabazi zuen Donostiako Nazioarteko Xake Txapelketa. Finalean, beste kubatar bati, Alexis Cabrerari nagusitu zitzaion. Torneoko euskal xakelari onena Iñigo Argandoña donostiarra izan zen.

Leire Olaberria
Pistako txirrindulari honek beste arrakasta bat lortu du. Olinpiar Jokoetako bron­tzearen ondoren, emaitza bera lortu du Munduko Txapelketan.

Mendizabal
Penagarria Tolosako zezen plazan gertatutakoa. Joxemari Mendizabal aizkolari handia Olasagastiren aurkako deman ondoezik sentitu eta handik gutxira hil zen bihotzekoak jota. Goian bego.

Michael Schumacher pilotua
Gauzak ez zaizkio momentuz behintzat ondo ateratzen ari Michael Schumacher pilotu alemanari. Bat Formulako Mercedes taldeko gidaria uste baino sasoi hasiera eskasagoa egiten ari da.

Futbolari peruar baten botilakada
Hamburgo futbol talde alemaneko Paolo Guerrero jokalari peruarrak ur botila handi bat jaurti zion bere zale bati partida baten amaieran eta odoletan utzi zuen. Lotsagarria benetan.