|
Bertsoak
****
Bertsolari Txapelketa
Nagusiko final-laurdenak
Arkaitz Goikoetxea-Fredi Paia
Gaia: Zu, Arkaitz futbol epailea zara, eta Fredi milioi pila baten truke ekarri duten futbol izarra, partidu guztian zehar zirikatzen aritu zaizuna. Azkenean, kanporatzea erabaki duzu.
Neurria: Zortziko txikia
Doinua: Kantatzera nijoa |
Arkaitz
Aizu, juango zera
bide laburrean,
harrotasuna badut
naizen apurrean.
Nahiz ta izar ugari
eduki hurrean,
nik jarriko dizkizut
bi hankak lurrean! (bis)
|
Fredi
Gaur hanka sartu duzu
epaile, agian;
banoa dutxatzera
era nabarian,
baina hortxe daudenak
gradaren erdian,
hanka jarriko dute
zure aurpegian. (bis)
|
Arkaitz
Hori horrela denik
ez zait iruditzen,
epailea ez baita
hain gaizki aritzen.
Nahiz ta ohitua zauden
diru asko biltzen,
futbol zelaian ez du
diruak agintzen. (bis)
|
Fredi
Aztoratuta nabil
epaile hauekin
protestaka hasi naiz
partiduan arin;
kanporatzean nahi non,
behar duzu jakin,
milioi piloa jaso
ta lanik egin ez. (bis)
|
Arkaitz
Gozatu behar duzu
aldagela ertza,
zapuztuko baitizut
daukazun ametsa;
etorkizuna duzu,
ez zazula pentsa,
nire elastikoa
dagon bezain beltza.
|
Fredi
Ai, gure epailea,
pertsona haundia,
esaldi bat badago
oso nabaria,
publikotik entzuten
duzun esaldia:
gaur zu beltzez ta bihar
zure familia. (bis)
|
Arkaitz
Horrela mehatxua
zuk bota didazu;
pausoa aurrera ez
atzera emazu;
zuk lepotikan gora,
eman zazu kasu,
baloiak baino haize
gehiago daukazu! (bis)
|
Fredi
Epaileak daukana
da frustrazioa,
agintari izateko
bere ilusioa.
Nahiz epaiketan sartu
kontra akzioa,
lasai, irabazi dut
jubilazioa. (bis)
|
Bertsolari Txapelketa
Nagusiko final-laurdenak
Jokin Sorozabal
Hasierako puntua emanda
Neurria: Zortziko txikia
Doinua: Triste bizi naiz eta
|
Egurrak ematen du
bizkarrean mina,
Sorozabal:
ta hori saihestea
gure ahalegina.
Ez zenuke izango
hain irri arina,
zu’re hortik hartuta
etorri bazina.
|
Zuk ipintzen al duzu
beste aurpegia?
Sorozabal:
Ez nuke ipini nahi,
hori da egia.
Bi aldiz hartzea da
nahiko aberia;
bat jasatea ere
a ze komeria!
Barkatzea ez dugu
Hain gauza samurra;
|
Barkatzea ez dugu
Hain gauza samurra;
Sorozabal:
aurreragi ez degu
sartu behar muturra.
Bertsotan ere sarri
araudiak urra;
ez dutela barkatzen
badaukat bildurra.
|
Testuen Sailkapenerako Kodeak:
Testu Erraza* / Testu Normala** / Testu Zailagoa*** / Testu Zailena****
|
