El diablo viste de Prada

Zuzendaria: David Frankel Aktoreak: Meryl Streep, Anne Hathaway. komedia dramatikoa, AEB, 109 minutu

Miranda Priestly moda-aldizkari baten editorea da eta munduko editorerik garrantzitsuena da, antza. Jarraitzaileek Mirandaren aholkuak behar dituzte. Denek jeniotzat daukate, Andreak izan ezik. Mirandaren laguntzaileak, Andreak, ez du inoiz horrelakorik ezagutu. Prada trajearen azpian deabru bat al dago? Modaren inguruko gauza asko ikasiko duzu film honekin.

Borat

Zuzendariak: Larry Charles Aktoreak: Sacha Baron Cohen, Ken Davitian Komedia, AEB, 84 minutu

Borat (Sacha Baron Cohen) eta bere nagusia Kazajistaneko erreportariak dira. Lagunak agurtu eta Ameriketara joango dira erreportaje bat egitera, amerikarren bizimodua hobeto ezagutzeko. Hara iritsi bezain laster galduta edo lekuz kanpo sentituko dira. Zer egin ez dakitela, yankiez barrez hasiko dira.

La alianza del mal

Zuzendaria: Renny Harlin Aktoreak: Steven Strail, Sebastian Stan, Laura Ramsey. Beldurrezkoa, AEB, 97 minutu

Filmeko protagonista Caleb izeneko mutil gazte bat da. Berak eta bere hiru lagunek botere magikoak dituzte 13 urte bete zituztenetik. Bat-batean bosgarren mago bat agertuko da Calebi bere indarra kentzeko asmoz. Horretarako, bere bizia arriskuan jarri beharko du, baita ingurukoena ere. Asko gustatu zaigu pelikula, abenturez eta akzioz beterik dagoelako.

Testuen Sailkapenerako Kodeak:
Testu Erraza / Testu Normala / Testu Zailagoa / Testu Zailena