Agur bero bat

1. Txupetetxoa ahoan ta erroskilak zangoan negar egiten ez jarraitzeko panpina ondoan, lehengo garaiak gogoan oraindik ditut gaurkoan beti elkarrekin egon garenez orain ez zaitez joan. (bis) 2. Eman ondoren pausoak ez izan arren osoak korrika joaten ginen gu biok uxatuz usoak beti luzatuz besoak animalia gaixoak! ezin ahaztu pasa genitun momentu goxoak. (bis) 3. Eskola aurrean hasita beti zenbiltzan nahasita ia egunero egiten zendun liburuen zita, jendeak hau ikusita egiten zizun zirika ikasi eta ikasi beti jolasak utzita. (bis) 4. Kirolean marabila atzetikan mutil pila mutil guztiak maitemintzeko zuk dohainak mila, beti atzetik koadrila zer nolako neskatila mutil kontutan onena eta ligatzen abila. (bis)

5. Matematikan pereza Gizarte ez da erreza Euskararekin ibiltzen zinen oso aldrebesa, Musikan ere traketsa kate kontutan printzesa ezin ulertu Euskadin zertan behar den ingelesa. (bis) 6. Beste eskola batetan hor hari zera planetan ez duzulako kurtsoa pasa zuk urte honetan, triste zaude aldaketan eta gu ere benetan zu gabe denok gelditu gera bihotzez penetan. (bis) 7. Nahiz eta geratu grabe gure bihotzetan zaude lehen adiskide gintuzun denok baita orain ere, nahiz eta zuk egin alde zuretzat bada mesede izan zaitea zoriontsua gutaz ahaztu gabe. (bis) 8. Bizitzea da aurrena osasun ona hurrena familiari eman behar zaio daukazun onena bizitza ez da poema bizitza dugu problema mundu honetan nahiko eta bikain ez baitugu dena. (bis)

Doinua: Aizak hi mutil mainontzi