IRAKEKO UME BAT NAIZ Doinua: O BASERRITXO BERTSOA C KATEGORIA 1.- Orain bi urte etorri ziren Bushen patruila aluak, nahiz eta ezetz esan ozenki jendeak eta munduak; horiengatik negar malkotan igaro ditut orduak, bonba (e)ta tiro soinuak dira nire iratzargailuak. 2.- Galdera hauei erantzutea espero dut poliziak, zenbat horiek hautsi dituzten famili eta biziak, zenbat horien kontra harrika aritu garen aldiak, dagoeneko agortu dira hemengo harri guztiak. 3.- Gure herria baketsua zen hauek etorri artean, gaur egunean tanke mordoa besterik ez da kalean; ea guztiak joaten diren egun gutxiren tartean, hartu nahi beste petrolio (e)ta utziguzue bakean. 4.- Irak aspaldi honetan dabil oso gaizki eta herren, horregatikan gerra zikin hau behar dugu eten, borroka egin beharra dago oraingo hontan bederen, ondorengoek zoriona (e)ta bakea izan dezaten. 5.- Zergatik datoz patruila horiek hain azkar gure herrira? haiek etorri ezkero honek ez du lehengo distira; hemen gauza bat eskatzen dugu esango dizut begira: errespetatu izaten da Irakiarren desira. 6.- Dakizuenez Amerikarrak ditugu gure borrero, horiengatik bihurtu gara zoritxarraren bezero; gerra hau ez zen inoiz hasiko eta hildakoak zero, guztion giza eskubideak errespetatu ezkero. 7.- Agintariek hainbat alditan esan ohi digute zera: “gerra hau laster bukatuko da baina ez doa hobera”, horregatikan joan nahi nuke jainko guztien tartera, aizto luze bat sartu behar dut nire eztarritik behera.