Donostiako XVI. Eskolarteko Literatur Lehiaketa
Sariak maiatzaren 14an banatu ziren Kursaalean
Parte hartu duten 1.285 ikaslek 1.473 lan aurkeztu dituzte
“Donostiako XVI. Eskolarteko Literatur Lehiaketa. Koldo Mitxelena Saria” ren sari-emate ekitaldia maiatzaren 14an, larunbatez, egin zen Kursaal Elkarguneko Auditorioan –Kubo handia- eguerdiko 12.00etan. Ekitaldira parte hartzaile guztiak gonbidatu ziren. Aurten, 28 ikastetxetako 1.285 ikaslek hartu dute parte eta 1.473 lan aurkeztu dira aurtengo edizioan. Esku-hartzea oso garrantzitsua izan da, eta horrez gain, lanen kalitate maila oro har iazkoa baino askoz hobea izan dela adierazi dute epaimahaikideek. Guztira, 25 sari banatu dira eta 25 saritu hauen artean, 12 irabazle nagusi hautatu dira. Horrez gain, 76 gaztetxoren lanek	epaimahaiaren aipamen berezia jaso dute. Bestalde, literatur lehiaketa honetan lan multzo garrantzitsua aurkezten duten eskolen artean opari bat zozketatu da irakasleek eta eskolak egindako lana saritzeko. “Donostiako Eskolarteko Literatur Lehiaketa. Koldo Mitxelena Saria” Euskararen Udal Patronatuak Donostiako ikastetxeetako ikasleei zuzenduta antolatzen duen literatur lehiaketa da. Sari honek haur eta gazteengan euskararen erabilera eta ezagutza bultzatzea eta, era berean, literatur sormena, idazketa eta irakurketa txikitatik lantzea ditu helburu, A, B eta D ereduetan Lehen Hezkuntza, Bigarren Hezkuntza Batxilergo eta Lanbide Heziketan ikasten ari direnen artean.

Lehiaketa bost ataletan banatuta dago:

Olerkia Ipuina Bertsoa Komikia Gutuna.

Adinaren arabera, bost kategoriatan sailkatzen da: Lehen Hezkuntzako lehen zikloa (6-8 urte) Lehen Hezkuntzako bigarren zikloa (8-10 urte) Lehen Hezkuntzako hirugarren zikloa (10-12 urte) Derrigorrezko Bigarren Hezkuntzako lehen zikloa (12-14 urte) Derrigorrezko Bigarren Hezkuntzako bigarren zikloa (14-16 urte) LOGSE Batxilergoa eta erdi mailako Lanbide Heziketa (16-18 urte)

Epaimahaia honako hauek osatu dute: Antton Olariaga komikigilea Joxerra Garzia idazle eta bertso aditua Pello Añorga ipuin egile eta kontalaria Arantxa Urretabizkaia idazlea Ixiar Rozas idazlea Inazio Mujika idazlea Mari Jose Olaziregi literatur kritikaria. Epaimahaiak apirilaren 27an eman zuen epaia.

Eman diren sariak

Parte hartzaile guztientzat : Giltzak eta sakelekoa zintzilikatzeko zinta eta Oskorriren "Doktor Do Re Mi eta Benedizebra" diskoa (6-10 urte bitartekoentzat) Gazteentzat egokitutako "Don Kijote Mantxako" antologia (11-18 urte bitartekoentzat). Aipatuentzat : Aurrekoa eta roler (errotuladore) bat. Sarituentzat : Aurreko guztia gehi discman bat (A, B eta C kategorientzat) MP3 eramangarria (D, E eta F kategorientzat). Irabazle nagusientzat : Argazki kamera digitala (A eta B kategorientzat), Bideo kamera digitala (C eta D kategorientzat) Ordenadore eramangarria (E eta F kategorientzat) Eskolarentzat : Ordenadore eramangarria

28 ikastetxek parte hartu dute
Aitor ikastola Altza Herri ikastetxea Amassorrain ikastola Antigua-Luberri BHI Arantzazuko Ama ikastola Axular Lizeoa Barandiaran Lizeoa Belen ikastetxea Easo Institutu Politeknikoa Ekintza ikastola Eskibel ikastetxea Herrera ikastetxea Herri-Ametsa ikastola Intxaurrondo Hegoa ikastetxea	Ikasbide ikastola Jakintza ikastola Karmelo ikastetxea La Salle ikastetxea Lauaizeta ikastola Mariaren Lagundia ikastetxea Nuestra Sra. de Aranzazu ikastetxea Orixe ikastola Santa Maria Marianistas ikastetxea Santo Tomas lizeoa Usandizaga-Peñaflorida institutua Xabier Zubiri-Manteo BHI Zuhaizti ikastetxea Zurriola ikastola

Lehiaketa moten arabera, parte-hartze handiena, nabarmen, komikiak (596 lan) eta ipuinak (585 lan) izan dute. Adin taldeei dagokionez, B eta C kategorietan izan da parte-hartzaile kopuru handiena, 8 urtetik 12 urtera bitarteko haurrak, alegia. Esku-hartze datuei dagokienez, 16 ediziotan 11.000 parte-hartzailetik gora eta 12.000 lan baino gehiago aurkeztu dira.

Azken sei urteetako bilakaera : 2000: 727 lan 2001: 797 lan 2002: 1077 lan 2003: 1150 lan 2004: 1559 lan 2005: 1473 lan

Saritutako lanak