KALEKUME BATENAK

1. Gorotz Bustamante naiz Pio Doce-koa lehen pisukoa betidanik Donostin bizitutakoa nahiz ta lagunek deitzen didaten tontoa ni naiz Einstein delako horren parekoa bihar medira noa ez al da nahikoa?

2. Lehen aldiz joango naiz Ernio aldera Jonekin batera ni urduri jarri naiz aldiz, lasai bera. Abiatu aurretik esan diot zera: «honi hartzen zihoat zailaren tankera, Urgullekiko altu geratzen ote da?»

3. Goraino iristea daukat helburua ez da segurua lausoa ikusten dut nire ingurua non dago lurra eta non dago zerua? Orain zorabiatu etzait ba burua! Ez naiz ongi sentitzen ekarri purua.

4. Berrehun metro egin ta nago erreta egarriz beteta Keler hemezortzi dut motxilan gordeta nonbait ez dut eduki nahikoa arreta segituan hasi naiz lurrari kolpeka hanka lokatz artean trabatu zait eta.

5. Gaurko eguna daukat nahikoa ustela ezin da horrela garbi ikusi baita torpea naizela. Ai, igo ahalko banintz laguna bezela mendira etorri nahi ni naiz ni txepela «txabola hori al da hemengo hotela?»

6. Azkenean puntara iritsi naiz, tira hau da ikusmira! pixka bat egongo naiz hemendik begira baina joan behar dut orain Donostira aibala ia zortziak eta hogei dira, ni ez naiz etorriko gehiago mendira.

D mailan (12-14 urte) saritutako bertsoa