Cristobal Molon

Kursaal Auditorioan Azaroaren 4an, 17:00etan Aitor Arregi, Iñigo Berasategi. Espainia. 70 min Cristobal Molon (2005). Antzina Praderia inperio handia izandakoa beldur da ez ote dion kenduko bere nagusitasuna harekin norgehiagoka ari den Boñigonia inperio handinahiak. Destruzzio maltzurrak, Pinzón II.a Praderiakoa erregearen kontseilariak, bidaia bat babestea proposatu du, zirt edo zart egin eta lehia hori betirako amaitutzat emateko: Ilargira egindako espedizio bat da, erregearen aurpegia bertan zizelkatzeko. Espedizioko tripulazioa arreta handiz aukeratu du Destruzziok: Cristóbal Molón izena duen aurkitzaile iruzurtia izango da liderra, hegan egitea ikara handia ematen dion gizona. Gipuzkoako Irusoin eta Dibulitoon etxeak berriro aritu dira elkarlanean Aitor Arregik eta Iñigo Berasategik –Glup eta Supertramps filmen egileek– zuzendutako pelikula honetan.