|
Donostia, Opera Prima eta Erein-Euskadiko Kutxa narratiba sariak
2003
|
Donostiako Euskararen Udal Patronatuak babestutako Donostia, Opera Prima narratiba saria bi egilerentzat izan da ex aequo: Xabier Etxaniz Rojo, “Kuadro isila” lanarekin eta Aitziber Etxeberria Garro, “Tango urdina” eleberriarekin.
Erein-Euskadiko Kutxa narratiba saria, berriz, Joxe Belmonte Fernandez de Larrinoaren “Hamar urte barru” nobelak irabazi du honen lehen edizioan.
|
Sari banaketa ekitaldia apirilaren 3an egin zen Donostiako Miramar Jauregian eta irabazleen izenak bertan eman ziren ezagutzera.
“Hamar urte barru” eleberria kalean izango da apirilaren 23rako, Liburuaren Nazioarteko egunerako alegia, Erein argitaletxearen eskutik. Donostia, Opera Prima sariaren lan irabazleak berriz, udazkenerako izango dira kalean.
Erein argitaletxeak bere 25. urteurrena zela-eta, Erein-Euskadiko Kutxa eta Donostia, Opera Prima Narratiba Sariak sortu zituen 2002an, euskaraz idatzitako eleberriak sustatzeko asmoz, Euskadiko Kutxa eta, Euskararen Udal Patronatuaren bidez, Donostiako Udalaren babesarekin.
|
EREIN-EUSKADIKO KUTXA Narratiba saria 12.000 eurokoa da eta, horrekin batera, irabazleak Alvaro Matxinbarrena artistaren artelana jaso du. Donostia, Opera Primaren irabazle bakoitzak, berriz, 2.250 euroko diru saria jaso du eta Dora Salazar eskulturagilearen artelana.
“DONOSTIA, OPERA PRIMA” sarian 2003 urtean 35 urte edo gutxiago dituenak, edota, edozein delarik bere adina, narratiba libururik argitaratu ez duenak parte hartu ahal izan du.
Epaimahaian, Txuma Lasagabaster eta Mari Jose Olaziregi kritikari ospetsuak izan dira; Caja Laboral Popular-Euskadiko Kutxako Gipuzkoako zuzendaria den Pello Gereño; eta lehendakari eginkizunetan aritu da Erein argitaletxeko literatura arduraduna den Iñaki Aldekoa.
|
Argazki bilduma
|
| |
 |
 |
|
