Erein-Euskadiko Kutxa
eta
Donostia Opera Prima
Narratiba Sariak
Bigarren deialdian
parte hartzeko oinarriak
|
|
|
ARAUAK
1. Lehiaketa honetan euskaraz idatzitako lanak aurkez daitezke; orijinalak eta argitaratu gabeak izan behar dute, eta beste ezein literatur lehiaketetan aurkeztu gabeak. Baldintza hauek epaia emateko unera arte egongo dira indarrean.
2. Lanak Din-A4 formatuko orrietan aurkeztu beharko dira (2000 karaktere orriko) eta gutxienez 100 orrialdeko luzera izango duten lau kopia bidali behar dira.
3. Lanak, Erein (EREIN-EUSKADIKO KUTXA Narratiba Saria), Tolosa Etorbidea 107 - 20018 Donostia helbidera bidali behar dira, 2006-12-20 baino lehenago.
4. Lanak izenburuaren bidez soilik identifikatu ahal izango dira. Ez dute, beraz, egilea nor den antzemateko biderik eman dezakeen xehetasunik izango. Aparteko gutunazal itxi batean, egilearen izen-abizenak, helbidea, telefonoa, faxa edota e-maila daramatzan ohar bat sartuko da; eta gutunazalaren kanpoaldean obraren titulua jarriko du. Obraren idazleak 2007 urte barruan 35 urte edo gutxiago izanez gero, edota, edozein delarik bere adina, narratiba libururik argitara eman gabea izanez gero, gutunazalak gainean DONOSTIA, OPERA PRIMA idatzirik bidaliko ditu.
5. EREIN-EUSKADIKO KUTXA Narratiba Saria epaimahaiaren iritzian aurkeztutako eleberri onenarentzat izango da beti.
6. Ereinek izendatuko du garaiz jakinaraziko den epaimahaiaren; haren epaia erabakigarria izango da.
Lehiaketa honetan parte hartzen duenak besterik gabe arau hauek onartzen dituela adierazten du. Aurreikusi gabeko gorabeherarik izanez gero, epaimahaiak ebatziko du.
7. EREIN-EUSKADIKO KUTXA Narratiba Sariak 24.000 euroko diru saria izango du 2005ean irabazlerik gabe geratutako saria gehitzen baitzaio. Epaimahaiak diru kopuru hori lan bat edo bi lan saritzeko izango den erabakitzeko ahalmen izango du.
8. EREIN-EUSKADIKO KUTXA Narratiba Sariaz gainera, "DONOSTIA, OPERA PRIMA" Narratiba Saria izango da 2007 urte barruan 35 urte edo gutxiago izan edo narratiba libururik argitara eman gabea dela aurrez adierazi duen idazleak idatzitako narratiba lan bikainenarentzat. Saria 9.000 eurokoa izango da (honi ere, arrazoi berdina medio, 2005eko kopurua gehitzen zaiolako). Epaimahaiak diru kopuru hori lan bat edo bi lan saritzeko izango den erabakitzeko aukera izango du.
9. Bi sariok bateragarriak izango dira.
10. Epaimahaiak eskubidea izango du aurreko sariotan akzesit bana emateko.
11. Lan irabazleak erabakitzea, pleguak irekitzea 2007ko martxoaren bigarren hamabostaldian egingo dira. Urte bereko apirilaren 23rako (Liburuaren Nazioarteko Egunerako) saritutako eleberriak argitaratuko dira.
12. EREIN-EUSKADIKO KUTXA eta “DONOSTIA-OPERA PRIMA” sariak eta hauen akzesitak argitaratzeko eskubideak Erein argitaletxearenak izango dira. EREIN argitaletxeak eleberriari dagozkion egile eskubideak errespetatuko ditu.
13. Sariok eman gabe gera litezke, epaimahaiaren iritziz aurkezturiko lanek behar adinako mailarik ez balute. Aurkeztu diren lanetatik, beti ere egileekin adostu ondoren, epaimahaiaren iritzian argitaratzekoak diren beste batzuk ere argitara ditzake Erein argitaletxeak.
14. Saritu ez diren lanak ez dira itzuliko, eta behin irabazleak ezagutarazi ondoren, hilabeteko epean desegin egingo dira Erein etxearen egoitzatik jasotzen ez direnak.
|
|
| |
 |
 |
|
