On Marzelino Soroari

Juan Ignacio Uranga

Euskal-Erria, 1902

Bere lekutik irten nayian

daukat biyotza goraño,

joan zeradela jakindu det gaur

bañan ez dakit noraño;

jostalariya izana zera

On Marzelino gaurdaño,

jostiruditar maisu oberik

ez da izandu zu baño.

Zure izkribu fargillechuak

nonai didade autuak,

askotan egon izan oi gera

far egiñikan aurtuak;

begiyetatik isuri zaizkit

masail gañera malkuak,

guztiz samiñak dira neretzat

begi ertzeko gaurkuak.

Oraingotikan oso gogorki

sartu zerade gaitzera,

etorri da gaur zure biziya

betiko guztiz aitzera.

¿Aingeruchuak jachi al dira

zure anima zaitzera?

Ori ez dakit, pena det bañan

zu mundurako ¡ill zera!