Eskuban arrantza

Marzelino Soroa

1894

Kanabelak luzatu,

kordelak atera,

Kai-arriban dijoaz

arrantzan astera.

Bernabe Tripazabal

eta Joshe Mari,

bi lagunak, itz abek

esanik alcarri:

—Aizak, ekarri al dek

bear dan guztiya?

—Bai, bai, lukainkarekiñ

tortilla t'ogiya:

gazta're badiagu.

—Ori dek. T'ardua?

—Baita, danik onena,

Gorren dendakua;

bañan amubak aztu.

—Ta zer dik, Bernabe?

Gosalduko diagu

amurikan gabe!