Donostiaco muralla contra

lucean jocatutako partiduba

Ramon Artola

1862

Partidu bat pillotan

gueren caltean

jocatu degu aurten

jai-goiz batean;

lau lautara guiñan asi,

maisubenac irabazi,

galtzalleak obe degu

gueiago icasi.

Ai cer pillotariac

nere lagunac!

Gu guera partiduba

galdu degunac;

batec jotzen ezpazuben

besteak icutzen etzuben;

aisa pillota gugandic

escapatzen zuben.

Gure contrariyua

sacalariya,

ascoc beldurra diyon

jocalariya;

ez guera gauza arentzat,

bera sobra da denentzat,

ezagutuba daucagu

pillotari ontzat.

Bederatzi jocura

iru ta treinta

ginduzen guc atera

oso ler einta;

lau falta ta sei uts eguin,

ondo jota ecin quintzeguin,

tranpiyan ari al guiñan

ciguten otseguin.

Esanagati elcarri:

«Or bertan eon ai!»

pillota icusi orduco

guzioc jo nai.

«Utzi, utzi au neretzat!»

Al zubenac norberetzat,

guchi jotako penaric

oraindic joan etzat.