Nere etorrera lur maitera

Joxe Mari Iparragirre

1877

Ara non diran mendi maiteak,

ara non diran zelaiak,

baserri eder zuri-zuriak

iturri eta ibaiak.

Endaian nago zoraturikan,

zabal-zabalik begiak,

ara España, lur oberikan

ez du Europa guztiak.

Gero pozik bai, Donostiara,

Okendotarren lurrera,

zeru polit au utzi bearra,

nere anaiak, au pena!

Irutxulueta maitagarria,

loretokia zu zera:

Veneziaren grazi guztiak

gaur Donostian badira.