Jose-ren subak Donostiyan

      1

Guardasol-gille Josek

milloi bat ensayo

egin arren, su onik

irtentzen etzayo,

gizon orri polbora

kentzen ezpazayo,

denbora gutxi barru

erotuko zayo.

      2

Lengo gaubian orren

subak erre dira,

ruedak politak ziran

ibilli balira,

eragin gabe ezin

ematen zuten jira,

parrez. egondu giñan

ayeri begira.

      3

Bi buelta eman eta

ziraden gelditzen,

istantian indarra

zitzayoten iltzen,

gero eskubarekin

zituben ibiltzen,

ler gaizto egin zuben

ayek erabiltzen.

      4

Plazerdiyan orlako

subak erakusten,

nola ez diyon nago

iñork erakusten,

jendia egoten da

gauz onak ikusten,

orrek eztu kulparik,

diyotenak uzten.

      5

Andriak erriyetan

maiz diyo ekiten,

ikusirik alferrik

gastubak egiten,

itxurazko gauzik bein

ezin zayo irten,

zenbait far jendiari

diyo eragiten.

      6

Guardasolak konpontzen

bear mayo aztu,

subak moldatzen berriz

ikasiko eztu,

egiten ditu zenbait

sayo eta gastu,

Josek laster bear du

oso aberastu.

Ramon Artolak jarriak,

Donostiyan, 1869'garren urtean.