Mundu ontako bizitza antzerki bat dala esan oi da sarritan. Era berean, antzerki batean bezela agertzen digu Bizente Barandiaranek liburu ontan bere gazte denborako bizitza.

  Itsasondoko Urkia mendi-baillaran jaioa izanik, aien orain irurogei urteko bizimoduak ez du gure gaurko onekin antz aundirik. Arrigarria benetan XX mendeak ekarri digun aldakuntza.

  Mundu bat badijoa, beste mundu bat badator. Denbora berean illunabarra eta egunsentia alegia. Zer datorkigun ezin igerri; zer dijoakigun ondo dakitenak or ditugu oraindik ere gure artean. Beren testigantza utzi dezaigutela, beraz, Euskal Erriaren sustraiak jende eta oitura apal aietan daude eta.