«Udazkenerako Hamar Kanta» isiltasunen memoria da, minaren, edertasunaren, Jainkoaren, maitasunaren eta mugaziaren isiltasunena batik bat. Horrexegatik, koloreek eta soinuek ere xuxurlan adierazten dituzte biziraun ahal izateko hain beharrezko ditugun kontakizunen hitzak. Liburua lipar baten buruan sortu eta hiltzen diren unibertsoz beterik dago eta eternitatea askatzera gonbidatzen gaitu, ezinezkoa beste neurririk ez dagoela sinetsita. Sentsualitatez jantziriko poesia, halere biluza, liburuak epigonoetako historia izan nahi du, hauek ez baitira izarren ibilbidea ezpataren bitartez alda dezaketen garaia.