Zelatan

»Badira koadroak zeinetan ezer

ez egon arren, oro dagoen.»

Camille Corot

Entzun dut, ateak zabalik,

oihalaren zuria;

otalorearen apainduran

argi-oilarraren mintzoa.

Badakusat, baitere,

gerizaren espaloietan

arrats-orenen zain

mendietako oihartzuna,

uhin-aleazioz aireztatua,

bakardade lehorrean ugerlari.

Nigarraren odolak hartuta,

goroldio hezetasuna gogoan,

haranetan urregorri den oihartzuna,

birakor, kolpeka,

jauzi basatien pausoan

arrail gabeko argizuloaren zelatan.