Antologia honek gerra ondoan «Harri eta Herri» baino lehen moldatu zen poesigintzaren berri eman nahi du, gure literaturako garai ilun hartan burutu ziren poesia-lanik interesanteenak bilduz. Gerra ondoko poesigintzaren desarroiloaren ikuspegi zuzenago bat eskaini nahirik, poemok urtez urte eman dira, autorez autore eman beharrean. Arrazoi berberagatik, poemon orografia eta itxura orijinala errespetatzen saiatu gara, haiei buruzko argibideak eta oharrak, eta zenbait hitz zailen esan-nahia azken parterako utziaz.