Basa-begian gora estrainoek habitatzen duten aldetik

gure irudiak puzzle higatuak

sasi itsuetan nahasten dira

oinei amarratutako soka lohiak

hala nola insekto-hankak

erratz-lorea

hondamendiaren bortxaz

eginiko errautsak

atzendura guztien bartarratsak

zamatu arren

mailaz maila igotzen gara

eskailera erdiraino

non errautsetatik jaiotako hegoak

udaberri-airez puzten hasten diren

sinismen-errainuek zabaldutako urrutira

zortearen untziak bultzatzeko

edo sinpleki hegaldatu asmoz

edo espazio ubeletatik

mezuak batzeko

beti igurikatzen dutenentzat

haruntzago dioten ahoetan

isolamendua

beirazkoa.