|
Neskazar
Xaturdiña, P. Iñixio, Kitolix, M. Anton eta Pello
(Bat-batetan Pello atzeko atean azaltzen da.)
Pello.- Ikaragarriya gertatu da.
(Guztiyak ixiltzen dira)
Guztiyak.- E? E?
Pello.- Berdiñik ezagutu ez dan bezelakoa.
P. Iñixio.- Zer gertatu da, bada?
Pello.- Oraintxe esan didate.
M. Anton.- Zer, ordia?
Pello.- Miranda aldi orretan gertatua izan biar du.
P. Iñixio.- Miranda’n?
Pello.- Miranda aldian, bai.
M. Anton.- Tokitako berriakin ator.
Pello.- Madri’tik zetorren espresak eta emendik zijuan mixtuak alkar jo omen dute.
P. Iñixio.- Ta jenderik galdu al da?
Pello.- Erruz izan biar du.
Kitolix.- Ori txarra.
Pello.- Etxezarren orain artu dute partia.
Xatur.- (Oso ikaratua) Etxezarren?
Pello.- Bai; Tomax... nola Ameriketara juan zan, Tomax?...
Xatur.- Bai, bai; baña zer?
Pello.- Ba, Tomax Santander’tik omen zetorren...
Xatur.- Ori badakigu; baña zer? Zer?
Pello.- Gogoratuko zerate Etxezarreko Tomax...
Xatur.- Bai, bai; gogoratzen gera.
Pello.- Ba, Tomax ura, Amerikan zana, Santanderra etorriya omen zan.
Xatur.- Baña esan zazu, esan biar badezu.
Pello.- Ba, Tomax ura, e?, Tomax... illa da.
P. Iñixio.- Il?
Xatur.- (Karraxi bat egin ondoren) Ori ezin liteke!
Pello.- Bai, bai; Tomax illa da. Oraintxe artu dute partia Etxezarren.
(Xaturdiña, negarrez eta karraxi batzuek egiñaz, alki batian exertzen da.)
Xatur.- Nere Tomax! Nere Tomax! Nere xudur muturra teinkadik gabe utzi dezu.
P. Iñixio.- (Oraintxe ederra egin diagu.)
Pello.- Ikaragarriya gertatua izan biar du. Ikaragarriya! (Pello atzetik juaten da.)
Kitolix.- Aben senargaiak “rekix kantin paxe” egin du.
M. Anton.- Bai; gabe gelditu dituk.
Xatur.- Zure Xa-xak zergatik negar egiña badu.
P. Iñixio.- Eta Sagastiberrin bazkariya agindua. Zer egin biar degu orain?
Xatur.- Egun bateko poza zein laister itzaltzen dan!
P. Iñixio.- (M. Anton’engana oso biguin alderatuaz) Aizak, i, Miel Anton: ik ezagutzen nakela uste dek; baña ez nak ezagutzen.
M. Anton.- Geiegi ezagutzen atala esango nikek.
P. Iñixio.- Bai zera! Orain arteko guziya txulio bat izan dek. Bruman ari nindukan.
M. Anton.- Ez, adiskidia. Ez gaituk orren iñozuak.
Kitolix.- Mataxezko gizonik nai ez dutela badakigu.
P. Iñixio.- Jostaketa bat izan dek guziya. Ez al aiz gogoratzen, or Tolaretxipi’n sagardua izan artan ere, zer jolasak ibili genituen?
M. Anton.- Tolaretxipi’ko sagardoarekin ez gaituk gu txurikatuko.
Kitolix.- Sagarduak ez digu guri bururik galazitzen.
P. Iñixio.- Baña atzo bertan esan ez nikan nik gaur ezkondu biar zenutela?
Kitolix.- Beorrek esan zidan Xaturdiña ezkonduko zala, baña norekin ez.
P. Iñixio.- Norekin izango dek? Irekin.
Kitolix.- Besterik ez danian, e?
M. Anton.- Nai zenutena galdu danian.
P. Iñixio.- Bai, zera: Xaturdiñak berak esango dizute.
(Xaturdiña negarki altxatzen da, baña ez du ezer esaten.)
M. Anton.- Lenago’re naikua esan dik.
Kitolix.- Nik ere esan det orrekin ez naizela ezkonduko, ta nere itzian nago.
(Xaturdiña negarrez exertzen da.)
P. Iñixio.- Baña ez dezute ikusten bazkariya agindua dagola?
M. Anton.- Ez gaituk gu bazkari usaian etorri.
Kitolix.- Ez degu bazkari biarrik.
P. Iñixio.- (Aurreratuaz) Auxen da ixtilluba! Zer egin biar degu orain? Azkenian ere badakit... Xaturdiñakin neronek ezkonduko biarko det.
(M. Anton eta Kitolix alkarrekin itzegiten dute.)
M. Anton.- Abek, besterik ez dutenian zetoztik guregana.
P. Iñixio.- Sagastiberri’n bazkariya agindua dago ta nola ba?
Kitolix.- Alperrik etorriko dira. Mataxa ez dago oien ezpain lerden jarioentzat.
P. Iñixio.- Ezkonduko ote naiz, ba?... Bai: baña Iturburuko Txomin txotxolo orrek bertsuak jarriko dizkit, ordia. Ori ezin liteke, Kitolix; azkeneko aldiz esango diat: kezka guziyak bota itzik baztarrera, ta Xaturdiña’kin ezkonduko al aiz? Gizon bezela, esan zak baietz.
Kitolix.- Gizona dan gizonak, noizbait ere ezetz esan biar du, eta nik orain ezetz esango diyot.
P. Iñixio.- Baña...
Kitolix.- Ezetz!
P. Iñixio.- Nai dezuten gaixto egin zazute, ba. Ni Sagastiberri’ra niak bazkaritara.
(Oso asarre, atzetik juaten da.)
M. Anton.- Guk ere juan biar diagu, seme.
Kitolix.- Bai, guazen: au bukatu da. (Xaturdiña’ri) Or gelditzen zera... neskazar!
(M. Anton eta Kitolix atzeko atetik juaten dira.)
Xatur.- (Negar antsika) Neskazar!
|
