|
Ramon Artola. Sagardoaren grazia eta beste bertso asko
|
1
Dama bat biotzean
sartu zait betiko,
zeñen ikusi gabe
ez nuken etsiko,
berarekin gustora
nitzake biziko,
nere besuetatik
ez nuke utziko.
|
|
|
2
Bere izenez deitzen
diyote Pepita,
dalako mirabe txit
lirain da polita,
iñoiz egiten diyot
etxera bisita,
biyotza mugitzen zait
bera ikusita.
|
|
|
3
Zerbait paga liteke
bera ikustia,
dalako polit igual
gabeko gaztia,
gustora pasatzeko
jaya ta astia,
nayago nuke balitz
nere emaztia.
|
|
|
4
Arpegi ederra du
paregabekoa,
gorputza igualikan
ez dan modukoa,
aingeru bat diruri
dala zerukoa,
au logratzen dubena,
zori onekoa.
|
Ramon Artola-k ipiñiak Donostiyan 1863’garren urtean.
Ikusi:"Colección de José Manterola, pág. 121”, eskuz eskribitutako papera.
Lenengo bertsoa: Tolosako Fakundo Adurriaga"Besamotza”-ren eskuz idatzitako lenengo mordoan.
ta J. A. Santesteban."Colección de Aires Vascongados”.
12 Setiembre 1874, 500 ejs. (Eskuz kanta-paperari erantsia.)
|
