|
Jose Vizente Echagaray
Donostiako Gazteak Jesusen Jayotzari 1833 garren
Urteko Onenzaro Gabean
Pastorela
1
Ernai, guztiok, ez da gaur lorik,
alegra bedi bakoitza,
atozte bada zelebratzera
Jesus onaren jayotza:
ager dezagun, aitor dezagun
alegre zorion poza,
soñuarekin jaso dezagun
Jaunarengana biotza.
|
2
Gaurko gaua da oroigarria
zeruan eta lurrean,
Aingeruakin daude gizonak
Jesus onaren oñean:
guazen gu ere ikus dezagun
portal azpian lurrean
Santu guzien zeruko Jauna
ukullu pobre batean.
|
Coro
Ez da orain sortua,
ez da aurtengoa,
baizik da lege zarra
denboretakoa,
agirando galdea
Onenzarokoa.
|
Zortzikoa
1
Beti umore ona
oi degu gazteak,
ez dakigu zer diran
pena naibageak:
eta gaur zorionez
beingoan beteak,
soñuakin kantari
naikera gureak.
|
2
Poza ezin gorderik
gaurko gauarekin
kristabaren izena
izan utsarekin:
Jesus, Maria, Jose
dirade gurekin,
adoratu ditzagun
biotz garbiakin.
|
3
Zeru eta lurraren
Jaun ta jabe dana,
digun amorioaz
egiñik gizona:
Ama Birjiñagandik
dator guregana,
Trinidade Santuko
bigarren persona.
|
4
Egiazkoa bada
gure eskarioa,
damutasun gurea
bada ziñezkoa,
zabalduko digute
bide zerukoa,
degun beren gloria
sekuletakoa.
|
Coro
Jesus Salbadorea,
Salbe zure ama,
eta aita-ordeko
zeruak emana.
|
IKUSI:
Kanta-papera, moldiztegiaren izenik gabea. (The New Library, Chicago.)
Kanta-paperaren atzean, eskuz idatzita, oar auek daude: Echegarai ta Donostian ... a 3 July 1856
Baroja.
“Euskal-Erria”, 43, 1900, 548 orri-alde: Pastorela: 1/6: agertu zorion poza; Coro bearrean Kantaridia dio. Zortzikoa: 1/4: Naigabeak. Onek esaten du kanta auek 1833-ngoak dirala, ta ola jarri degu.
Chicago-ko kanta-papera 1856 urtekoa da. Beraz, bearbada 1833-ngoak izango dira, bañan kanta-paperan 1856 urtean agertuko ziranak.
“Euskal-Erria”, 59, 1908, 586 orri-alde. Onek Pastorela-ren bi bertsoak bakarrik ditu, ta 1853 -garren urtean kantatu zirala dio.
|
