|
Jose Vizente Echagaray
Donostiako Gazteak
1850 Garren Urteko Errege
Bezpera Gauean
Martxa, Edo Ibil Berdiña
Iru errege Orientetik
datoz Belengo bidean,
zeruko izar argi ederra
lagun dutela aurrean:
berak emanik argitasuna
Mesias jayo danean,
berealaxe sinistu dute
biotz osotik fedean.
|
Errege obek eman digute
ejenplo ona gaur bertan,
nola agertu, zer moduz egon,
Jesus onaren oñetan:
eskatzen beti biotz barrendik
gogoz ordu guztietan,
gorde gaitzala bere grazian
bizi geran egunetan.
|
Pastorela, Edo Artzai-Kanta
Pozez, kontentuz,
naikeran, eta
guztiz umore onean,
egondu giñan
etxe onetan
Onenzaroko gauean:
gaur ere berriz
onera gatoz
adiskide on legean,
zelebratzera
Errege eguna
bezperatikan pakean.
|
Jakin dezaten
gure esker ona
beti izan dala egia,
adi bezate arretarekin,
zabal bezate begia:
ikus dezaten
gure egin naya
berontzat dala aundia
soñua, kanta,
jayotz-lekua,
guztia degu berria.
|
Zortzikoa
1
Etxekoai gau onak
emanik aurrena,
zelebratzera gatoz
Errege-eguna:
berak bezela degu
izarra laguna,
adoratu dezagun
gure Jesus ona.
|
2
Jai ona bezperatik
degu gaur gazteak,
batzuek soñuakin,
kantari besteak:
ontarako gurekin
datoz Erregeak
lendanaz aitortuaz
beron bondadeak.
|
3
Errege santu obek
Orientekoak,
izan arren lenago
mago legekoak:
sinistatu dituzte
obra on gaurkoak
argiturik beingoan
izar zerukoak.
|
4
Beren umiltasunak
digu erakutsi
gloria zerukoa
nola erabazi:
gaurdandikan ikasten
bear degu asi,
eta oitu bezela
ez geroko utzi.
|
Koroa
Beron agirandoaz
Onenzaroetan
oroituko gerade
gure egunetan:
orduan etorria
ez gaude damutan,
ageri dan bezela
oraiñ emen bertan.
|
IKUSI:
Kanta-papera: “Donostian. Ignacio Ramon Baroja-ren moldizteguian”. (Bonaparte-ren bertso-bilduma: The New Library, Chicago.)
“Euskal-Erria”, XIV, 1886, 38 orri-alde.
|
