Aiton-amonak New Yorken

Baziren behin aitona-amona batzuk, pobrezian bizi zirenak. Haien semeari bidaia bat tokatu zitzaion: New Yorkera bidaia, hotel eta guzti. Semea ezin zen joan, eta, gainera, bere gurasoei oparitu nahi zien bidaia. Aitona-amonak harriturik geratu ziren hori entzutean. Hegazkinean zeudela, gidaria oharkabetu eta DANBA!!! hegazkinak dorre bikiak jo zituen. Denak hil ziren, baina bat-batean, aitona-amonak airean agertu ziren, eta, zorionez, Garfield-en gainean erori ziren. Garfield-ek eskerrak eman zizkien, eztarrian zerbait zeukalako, eta aitona-amonek ere eskerrak eman zizkioten. -Hiru sarrera aurkitu ditut. Etorri nahi al duzue Hillary Duff-en kontzertura? -Bai, bai, noski baietz. Baina nor da Hillary Duff? -Hillary Duff oso abeslari ona da, eta aktore bikaina, gainera. -Beno Garfield, guk hotelera joan behar dugu. Nahi al duzu gurekin etorri? -Bai, bai, mesedez! Hotelean zeudela... -Garfield, gustatzen al zaizu gure logela? -Bai, eta gainera janari asko dago. ÑAM, ÑAM!!! -A! Eta ahaztu baino lehen, loteria erosi behar dugu. Eta amonak esan zion aitonari: -Gure semeak diru pixka bat eman digu. -Zein zenbaki erosi duzu? -2001 eta txikia 11. -Noiz da zozketa? – galdetu zuen amonak. -Bihar – erantzun zion aitonak. -Eta kontzertua? -Etzi! – esan zuen aitonak. Bat-batean telefonoak jo zuen: -Ring! Ring! -Zein menu nahi duzue? – galdetu zuen harrerakoak. Garfield-ek telefonoa kendu zion amonari. -Lau lasaña, eta bi etxeko menu. -Ederki, oraintxe goaz – esan zuen harrerakoak. -TOK! TOK!, harrerakoak gara, zuen afariarekin. -Oraintxe irekiko dizuet, banoa. -Baina guk ez dugu hori eskatu! – esan zuen aitonak. -Nik eskatu dut hori! – esan zuen Garfield-ek. Amonak Garfield-i errieta ikaragarria egin zion, baina, ordurako, Garfield-ek lau lasaña janda zituen. Hurrengo egunean, gosaldu ondoren, loteria begiratzera joan ziren. Telebista piztu, eta loteriaren kanala jarri zuten. Telebistakoak zenbakia esan zuen: -Aurtengo zenbaki irabazlea 2001 / 11. Aitona eta amona garrasika hasi ziren. -A zer zortea daukagun! Ezin dut sinetsi – esan zuen amonak. -Orain goazen arropa dotorea erostera, biharko kontzerturako – esan zuen aitonak. Cherity Shop arropa dendara sartu ziren, eta amonak esan zuen: -Nik soineko dotore hau erosi nahi dut, eskote zoragarria dauka. Eta takoi hauek! -Baina zuk ez dakizu takoi horiekin ibiltzen! -Egia da, baina ikasiko dut. Aitonak traje jantzia aukeratu zuen. Hurrengo egunean... - Goazen azkar, bestela kontzertua galduko dugu eta. Aitonak taxia eskatu, eta kontzertura joan ziren. Bat-batean, Hilary Duff ikusi zuten, bere mutil lagunarekin, eta korrika hasi ziren, lapurra zela uste zutelako. -E, zu, lapurra, kendu Hillary Duff-en gainetik! -Bere mutil laguna naiz! -Ez, zu ez zara Hillary Duff-en mutil laguna, lapurra zara! Orduan Hillary Duff-ek esan zuen: -Bai, nire mutil laguna da. -Barkatu, barkatu! – esan zuten aitona-amonek. Kontzertua lasai entzun zuten. Hurrengo egunean, hegazkina hartu eta bertako laguntzaileari bi zuku eskatu zizkioten: -Bi zuku, mesedez. Baina zu ez al zara Zapatero? -Bai, baina lanetik bota ninduten, eta, hegazkineko laguntzaile postua eskaini zidatenez, nik baietz esan nien. Aitona–amonak oso pozik itzuli ziren, eta den-dena kontatu zioten semeari. Aitona-amonek New Yorken etxe bat erosi zuten, eta, handik aurrera, urtero joaten ziren uda Garfield-ekin pasatzer,a eta Hillary Duff-en kontzertuak ikustera. IKASBIDE 6. maila

Testuen Sailkapenerako Kodeak:
Testu Erraza / Testu Normala / Testu Zailagoa / Testu Zailena