Euskal Herriko animaliak

2000. urtean Euskal Abereak elkartea sortu zen Euskal Herriko bertako arrazak sustatzeko asmoz

1. Karrantzako ardi muturbeltza: antzinako arraza da, baina otsoa Karrantzan azaltzearekin 3.000tik 200era murriztu zen kopurua. Bertako artzain batzuen ardurapean mantendu dira, eta kopurua zertxobait handitu da. 2. Gorbeiako euskal artzain txakurra: duela 7.000 urte bazen jada. Azkarra, leiala eta umezalea da. Oñatiko eta beste zenbait herritako txakur lehiaketei esker mantentzen da. 3. Betizu behia: Europako zaharrenetakoa da. Txikia, gorri kolorekoa. Beti kanpoan bizi da. Gizonarengandik ihesi ibili ohi da. Orain gutxi arte Aralar, Larrun eta Jaizkibel inguruetan ikus zitekeen. 4. Pottoka zaldia: duela urte asko Ekain eta Santimamiñe inguruan bizi zen. Sendoak, arinak eta otzanak dira. Luzaroan taldean ibili ohi dira. Gizakiari asko lagundu izan dio, batez ere, nekazaritza-lanetan. 5. Euskal txerria: garai bateko txerrien antzera, pagadi eta hariztietara mugatu dira. 6. Enkarterriko astoa: Lazkaon eta Gordexolan egiten diren bi ospakizunei esker goraipatzen da astoak Euskal Herrian izan duen garrantzia (baserriko zereginetan batik bat). 7. Euskal antzara eta euskal oiloa: azken hau maiz ikusten da azoketan. 5-7 hortzeko gandor gorria eta hanka horiak ditu bereizgarri. Asko estimatzen dira euskal oiloaren haragia eta arrautzak. Mariaren Bihotza

Testuen Sailkapenerako Kodeak:
Testu Erraza / Testu Normala / Testu Zailagoa / Testu Zailena