Fantasiazko eta Beldurrezko Zinemaren XXV. Astea
AEB. Zuzendaritza: John McNaughton. Ekoizpena: Lisa Dedmond, Steven A. Jones, John McNaughton / Maljack Productions. Gidoia: Richard Fire, John McNaughton. Argazkia: Charlie Lieberman. Musika: Ken Hale, Steven A. Jones, Robert McNaughton. Muntaketa: Elena Maganini. Aktoreak: Michael Rooker, Mary Demas, Anne Bartoletti, Elizabeth Kaden, Ted Kaden, Denise Sullivan. Iraupena: 83 min
HIZKUNTZA: ingelesa / AZPITITULUAK: euskara
Henry Lee Lucas serieko hiltzailearen bizitzan oinarritzen da John McNaughtonen opera prima hau. Laurogeiko hamarkadako beldurrezko film ospetsu eta polemikoenetako bat da, zalantzarik gabe, gorabehera ugari jasan behar izan baitzituen zinemaldi eta aretoetan estreinatu ahal izateko. Henry pertsona normala dela dirudi, baina ez da horrela. Emakumeen hiltzailea da, eta ausaz hautatzen ditu. Garai batean ziegako lagun izandako Otis konplize gisa hartuta, emakume bakoitza era desberdinean hiltzen du, inork deskubritzea saihestuz. Becky, Otisen arreba, iritsiko da egun batez haien etxera eta bertan geratuko da bizitzen. Berehala, elkarrenganako erakarpen sentimendua sortuko da haren eta Henryren artean.