|
Amantxi
Andre Brijida ta Andre Nikolasa
Niko.- Ez nuen oraindik onera etortzeko asmorik; baña; eleizatik atera ta etxera nijuala, txixtularia ikusi det emen, atarian.
Brij.- A! Bai.
Niko.- Neregan esan det: Amantxi’k berri onen bat badu.
Brij.- Bai zera...
Niko.- Txixtularia atietara ekarri dutenian, zoriona etxian dutela ezagun da.
Brij.- Obe genuke bada. Ez, andre Nikolasa, ez.
Txixtulari ori ez da onerako.
Niko.- Etxe onen atarian bertan zegon bada.
Brij.- Bai, baña aurreko etxerako da.
Niko.- Onerako uste nuen nik.
Brij.- Ez gaude emen txixtu ta jolasetarako. Aurreko etxe leio-gorri orretan eztaiak dituzte.
Niko.- A! Eztaiak...
Brij.- Bai.
Niko.- Eta ezkontzen dan emakumia ezkongaia al da?
Brij.- Ez; alarguna.
Niko.- Ikusten dezu? Ezkongai batentzat, bi alargun ezkontzen dira.
Brij.- Ez dakit ori orrela dan: baña gaur ezkontzen dana beintzat alarguna da.
Niko.- Bai noski. Ta guziya kaskamotz oiengatik.
Brij.- Zure irudipenak.
Niko.- Ez, ez. Nik uste det, garaiz ezkontzeko, nexkak alargun jaio bear lutekela. Bitartian ez dago gauz onik.
Brij.- Zure esanak dira oiek.
Niko.- Bai, bai... Eta atzotik ez dezute noski ezer berririk izango...
Brij.- Bai; badegu.
Niko.- Bai? Brij.- Zu juan ta beriala. Andia’tar Enrike etorri zitzaigun.
Niko.- Etxera? Brij.- Bai.
Niko.- Jakin izan banu! Brij.- Zuk agindu bezela, zorapenetik gaizkatzen zuenena izango zala Amantxi’k esan zion.
Niko.- Ederki.
Brij.- Eta, zoratzalleak bere ezpatarekin txetuko zituela esanaz, Enrike gela onetan atia itxita gelditu zan.
Niko.- Eta emen egon al da? Brij.- Gau guziyan.
Niko.- Eta zer gertatu da? Brij.- Zu etorri zeranean, Xiriako’ri galdetzen ari nitzaion. Arrek esan duenez, seietan itzik esan gabe alde egin du, eta ez dakigu zoratzalleak menperatu dituen edo zer egin duen.
Niko.- (Alki-azpiak-eta usmatuaz.) Menperatu izan balitu, gelditu bear zuten emen sudur muturren bat, belarrien batzuek edo beste zerbait; baña ez da ezer ere agiri.
Brij.- Ez da lorratzik gelditu.
Niko.- Berekin ez zituen bada eramango...
Brij.- Zertarako? Niko.- Ez dakigu bada.
Brij.- Amantxi bere gelan dago, ta Xiriako’k eman dizkidan berriak esatera nijoakio. Zu emen egongo zeranoski?
Niko.- Bai; etorri naizen ezkero, ez nuke juan nai Amantxi’ri agur egin gabe.
Brij.- Bereala emen gera bada.
Niko.- Gero arte. (Andre Brijida eskuiko atetik juaten da.)
|
