 |
|
|
|
|
Toribio Alzaga
AMAIKA-GARREN IRUDIA
Batixta Erotu egiñ al da?
Txintxarri Zer pasa zaio?
Batixta Merezi luke ebañ-ebañ egitia!
Txintxarri Ez, aunditzian.
Batixta Altxa bedi aguro!
Jose Erramon E! Juan al da!
Batixta Zer Juan, eta zer Pedro, altxa aguro. Buenos Aires-en egiten al da onla?
Ganbara (Sartubaz) ¿Zer da?
Jose Erramon Izutu nau gizon arrek.
Ganbara Gaxua, mumua egiñ al diyo?
Jose Erramon Gizon iltzeko erremienta oyekiñ ez luteke laja biar ibiltzen.
Txintxarri Bai, txoria dalakoan tirako diote.
Ganbara A zer pirripiya!
Batixta Gauza danak ondatu dizkit.
Txintxarri (On José Erramon-i) Bañan ¿Ez al du pentsatzen eskopeta oiek utsak daudela?
Jose Erramon Utsak egonagatik ez naiz ni fiyatzen.
Ganbara Bai, arrazoya du; zergatik beorri bezelako bati tira ezkero, uts egiñatik nun ero an jo biar.
Batixta Egiñ diran planta! ¿Zeñek pagatuko dit oraiñ nik detan kaltia?
Txintxarri Jaun onek; bañan oraiñ ez,… datorren urtian.
Batixta Umiari feriya urrengo urteako agintzen diyoten bezela.
Ganbara ¿Datorren urteako utzi al du feriya erosteko? Badakit zergatik. Gustokoik billatu ez dubelako. ¿Ala?
Jose Erramon Ori da bada. Gustoko gauza denak datorren urteako modukuak!
Ganbara Nik asmatuko det beorrek nolako feriya egiñ nai diyoten. (Amaiketakuentzat diña emango al dit) (Paper puska batekiñ egiten du txori bat) Ara. (Emanaz)
Jose Erramon Bai, oso polita da! (Ematen diyo ume bati)
Ganbara (Banekiyen, baliyuaz gustatu ta) (Bestia egiñaz.)
Jose Erramon Zer abillidadia daukarren.
Ganbara Izugarriya! Baña zaldi urrezko bat asmatu nai nuben eta eziñ iñola ere.
Jose Erramon Ori gaitza da. Nik ikusi det…
Ganbara Nun? nun? Nun ikusi du? Aguro!
Jose Erramon Nun? Buenos Aires-en.
Ganbara Tokitara juan da orduban!
Jose Erramon Bañan ederra zan!
Ganbara Ala omen da, bai. Begi arri-fiñezkuakiñ eta…
Jose Erramon Ez da emen alakoik ikusi.
Ganbara Emen galdu da bada.
Jose Erramon Bai zera.
Ganbara Guazen, ¿beorrek noiz ikusi du?
Jose Erramon Noiz? … zaude … orain dala …
Ganbara ¿Ordu erdi bat?
Jose Erramon Ez; izango da … amabost urte.
Ganbara Kontu frexkuakiñ dabill orduban (Bestia emanaz). Ara bestia:
Jose Erramon Gain gañekua. (Ematen diyo beste umiari). Feriya ederra dago! Zenbat gauza, e? (Atzian dagon guardasol gorri aundi bati begira) ¿Zer da arku artan dagon gauza gorri (y) ura?
Ganbara ¿Ura? Erlojuba.
Jose Erramon Oi? Ez du bada markatzen.
Ganbara Eletrikua da ta.
Jose Erramon A!
Ganbara (¿Zer emango ote dit? Galdetzen badu, berak nai dubena esan biarko, ala geyago emango du) Ara azkenekua. (Emanaz)
Jose Erramon Ederki, ederki! (Ematen diyote) Tira, maitiak; oraiñ, zer esaten da?
Umiak Eskarrik asko!
Jose Erramon Orla! (Txalekuari tiratzen diyo ondo jartzeko)
Ganbara (Zerbait emango dit)
Jose Erramon (Txapelakiñ agur egiñaz). Ondo geldi bedi.
Ganbara Berorrek emanakiñ geldituko naiz ondo!
Txintxarri Aunditzian etorri berriz!
Batixta Bai, ta juango da ankaz gora!
Jose Erramon Jas! au jende nabarbena! (Alde egiten du bere umiakiñ)
Ganbara Au’re Coruña’kua ote da? Jakiñ izan banu, txoriyen ordez otsua egingo niyon! Orrenbeste lan egiñ ta, amaiketakoik gabe gelditu biar ote det?
Txintxarri Lanea juan baziñan, gutxiago nekatu eta onezkero amaiketakoentzat diña atera zenduan.
|
| |
 |
 |
|
|
|
 |
