 |
|
|
|
|
Toribio Alzaga
II
|
Andre Kaxilda ta Fernando Jauna
|
Fernando (Ezkerreko atetik ateratzen da Fernando jauna).
Andre Kaxilda Gizona, zer edo zer egiteko garaya dala iduritzen zait.
Fernando Baña emakumia, iru aldiz erropaz aldatu azi nazu.
Andre Kaxilda Orain ere ez dakit... au korbata jartzeko itxura. (Antolatuaz).
Fernando Badakit gaur trenik arrapatuko ez detala.
Andre Kaxilda (Erropak antolatuaz) Baldarra zera, baldarra; nik begiratuko ez banizu, ez dakit nik zer pinta aterako ziñaken.
Fernando Aterako nitzake beñepin, baña orain ez det uste aterako naizenik. Pilemon nere zai badago... Etxera bidia asmatuko al du.
Andre Kaxilda Esker gaiztoko gizona; zu ondo ikusteagatik ni sayatzen naizen bezela ta... ¡A! ¡Andre lasai oyetako baten eskubetan erori baziñan, ez dakit zer egingo zenduben!
Fernando Gaur beñepin, Pilemon irixteko ordurako estaziyuan egon. Bañan, orla bagaude... (Besuak gurutzetubaz)
Andre Kaxilda Ez besuak orla okertu, ukalondokuak egingo zaizkizu-ta.
Fernando Bai, soldaruak bezela egongo naiz, zuzen, zuzen.
Andre Kaxilda Txapela ere ez dakit... (Fernando makurtzen da) Ai, nere belaunak.
Fernando ¿Zuriak?
Andre Kaxilda Altxa-zaitia; belaun-koskorrakin galtza guztiyak ondatu biar dituzu.
Fernando Aldian.
Andre Kaxilda (Txapela atera ta garbituaz) Zuregatik ez dute esango, ez; neregatik. Badakit nola ariko diran: «andre orrek ez diyo beintzat asko begiratzen bere senarrari».
Fernando Senarrari begiratzia, ongi arkitzen det; baña erropari ez orrenbeste.
Andre Kaxilda ¿Zer esango duben Pilemon’ek ere...
Fernando Bañan zu, ¿zer dala uste dezu Pilemon? Gaztetan, Ameriketan, utzi bat, galbai bat...
Andre Kaxilda A zer bi bildu ziñaten.
Fernando Eta orain, orrenbeste urte mendiyan igaro ondorian, pentsa zazu; onezkero lau ankian ibiltzen ere ikasiko zuben.-¿Juan al niteke? (Atzera juanaz)
Andre Kaxilda ¿Pañuelo garbiya artu al dezu?
Fernando Bai, bai, bai, bai, bai... (Atzeko atetik juanaz)
Andre Kaxilda ¿Eskuturrekuak gogor jarri al dituzu? ¿Galtzerdiyak ongi lotuak al damazkitzu? (Fernando’ren ondotik juaten da)
|
| |
 |
 |
|
|
|
 |
