|
Pepe Artola. Ustez Laguna Detan
1
Dama gazte batengana daukat
aspaldi griña artua,
zeñaz beregatikan daukadan
biotz guztiya urtua,
au dala bide amoriyua
daukat barrenen sortua,
azaldutzeko berari dana
orain det nere ordua.
|
2
Egun batian ikusirikan
kale batian jiratzen,
nere biotza momentu artan
asi zan pozez lasaitzen,
ari begira nere begiyak
etziran bada aspertzen,
zori onian ikusi nuben
aingeru ori pasatzen.
|
3
Beste batian entero triste
bakar bakarrik nengoala,
ikusi nuben aingeru ori
balkoi batian zegoala,
nere biotza momentu artan
piztu zitzaidan ¡ai, nola!
salto eginda ara joan gabe
ezin egon zan iñola.
|
4
Urrena berriz gertatu nitzan
fortunaz bere aurrian,
oso larriturikan gelditu
nitzan golpian lurrian,
alaitasuna arkitutzen zan
nere biotz barrunian,
an zegoalako aingeru ori
nere begiyen aurrian.
|
5
Biziro gorputz ederra dauka,
torniatua diruri,
ointxo politak, arpegi fiña,
begiyak berriz izar bi,
ille kizkurra guztiz ederra
buruan zayo ageri,
bada zerutik amildutako
izar ederra da ori.
|
6
Istante ontan dena esango
dizut al dedan moduan,
barren gaxua arkitutzen zait
penakin iya urtuan,
zu gabetanik, izar maitea,
ezin etsi det munduan,
artu nazazu bada meserez
betiko zure onduan.
|
7
Zu bezelako dama gazterik
ez nuben uste zanikan,
zu gabetanik nere biotzak
ez du egun bat onikan,
arrats guztiyan etzaitut bada
kentzen begiyetatikan,
maita nazazu ez badezu nai
iltzia zuregatikan.
|
8
Zuregatikan nere biotza
daukat aspaldiyan eri,
orra nolako martiriyua
eman-azten nazun neri,
erreguz orain eskatzen diyot
bertatik Jaungoikoari,
nereganatu dezala azkar
zeruko aingeru ori.
|
9
Nere ditxarik aundiyena da
biyok elkargarnatzia,
baldin da ezpaldin badezu nai
zugatik miñez jartzia,
egin nazazu mesere ni ez
penetan erukitzia,
bada zurekin ez izatekoz
nayago nuke iltzia.
|
10
Momentutikan eskatzen dizut
sendatzeko nere miña,
aspaldiyan erremedioakin
neronek senda eziña,
au guztiya da nere biotzak
zuretzat daukarren griña,
sendatutzeko barrengo gaitza
zu bakarrik zera diña.
|
11
Nere fortuna mundu onetan
ez da besterik, maitia,
gauza klarua biotz barrendik
komeni zait esatia,
Jaunaren legez biyok elkarren
len bañon len egitia,
egun ontxo bat aukeratu ta
laister elkartu gaitia.
|
12
Desiaturik nago ementxen
zure baimena aitzeko,
nere biotzak bat edo beste
momentutik egiteko,
nai detan itza aditzen badet
zurekin naiz ni biziko,
ezetz esaten banazu berriz,
agur, maitia, ¡betiko!
|
1.º Julio 1884
Publicado en la Brecha
|
