 |
|
|
|
|
Joxe Ayerbe
Onoko au ere nere baserrian gertatu zan eta oso gutxitan ikusten dan oietakoa. Aita zanak -bertsoetan “aitonak”- esaten zuanez: “Nere denboran makiña bat txekor ikusi dizkiat jaiotzen, baiña, ain txikirik ez”.
Ni, neu, ere dezente ikusia naiz baiña alakorik ez.
|
Txekorra ez baiña, arkumea zirudian. Sanoa izan, ordea, eta azkenerako txekor polita egin zan.
Bertsoak jartzeko beti luma zorroztuta edukitzen nuan orduan -orain ez ainbeste- eta jarri nituan auek, 1987’an. “Xenpelar” Sarian bigarrena atera zuten.
|
1
Beiak umea laister
egingo omen du,
aitonak esan du:
“zer gerta ere iñor
ez bedi aldendu”.
Une larri oietan
nola ez lagundu!
“Aurreratua dator
ez dabil berandu,
egiten asi eta
ederra egin du”!
|
2
Denborarekin nago
naiko kezkatuta,
denak kontatuta,
zazpi illabeterik
oraindik ez du-ta.
Miatzen aritu naiz
eskua sartuta,
bizirik dago baiña
oso larrituta,
kontuz, onek laguntzak
bearko ditu-ta.
|
3
Emen alperrik gaude
orrenbeste lagun,
zer egin beagun:
bear diran amarrak
prestatu ditzagun.
Argia itzalita
aldegin dezagun,
iñor bixtan ez dala
etzango da ordun,
ea, guk, bitartean
bazkaldutzen degun”
|
4
Bazkaltzen asi eta
erdi bukatuan,
giñan momentuan,
orru txiki batzuek
entzun genituan;
Ikullura joan giñan
denok segituan,
txekorra jaioa zan
naiz erdi-ituan;
lan guztiak bakarrik
egin bai zituan!
|
5
Beiak egindakoa
zala nola esan?
Ain txikia bait zan,
ao-zulotik aize
arnasa ar zezan.
Bere onera azkar
asko etorri zan,
txikia izan arren
osasuna izan,
andik ordubetera
zutikan jarri zan.
|
6
"Albaiteroa bear
degu nonbaitetik,
dei aldamenetik",
baita etorri ere
azkar nunbaitetik:
- Esnea eman baiña,
biberoi batetik...
- Gure etxean ez da
aspaldin ortatik.
- Ez baldin badezute
ekarri auzotik.
|
7
Auzoan badaukagu
txit andre leiala,
eta bereala,
berria eman nion
aal nuan bezela:
- Biberoi bat derrior
bear genduala...
- Aur txikiren bat jaio
al zaizute ala?
- Ez -esan nion txekor
batzentzako zala.
|
8
Ez dakit sinistuzun
nik esandakoa,
ez da arritzekoa,
baiña denboraz eman
zidan baiezkoa.
- Nunbait izan bear du
nola alakoa,
ez da izango, noski,
gaurko modakoa,
Axier’ek txikitan
ibilitakoa.
|
9
“Manta batez, estali
ez dedilla oztu
eta au ez aaztu:
amaren esneari
ur pittin bat naastu.
Iru ordutik iru
ordutara juxtu,
biberoikada ori
bearko da ustu,
txikia izatea
beste gaitzik eztu.
|
10
Sano itxurakoa
da nere ustean
jaten ikastean:
pentsua eman lasai
azpilla batean.
Nai duan aiña esne
bien bitartean,
pixua kontrolatu
papertxo batean,
kilo bat irabazi
bear du astean”.
|
11
Aitona txoraturik
dago berarekin
eta zaintzen jakin,
ondo konpontzen dira
biak alkarrekin.
Ikusten duanean
biberoiarekin,
saltoka beragana
giro da arekin,
ez du ezer jakin nai
beste iñorekin!
|
12
Neurriz arkume bat
aiña alde-alde,
zerbait badu alde:
jale izugarria
eta pozik gaude.
Aitonak mantentzen du
baiña ez debalde,
- Zenbat kostako ote da?
egiten du galde.
Iñoiz ez da egingo
berrogei erralde!
|
|
| |
 |
 |
|
|
|
 |
