 |
|
|
|
|
V. IRUDIA
LEHENGOAK ETA ROMUALDO
Romualdo
(Oso haserre.) Zer egiten duk oraindik hemen? Etxekoandrea zain daukak bi orduan.
Liborio
(Gezurra!)
Romualdo
Aditzen al duk, astoa!
Liborio
Zain nago, oraindik ez ditu bukatu.
Romualdo
Eta urkilak? Erosi al dituk?
Liborio
Oraindik ez.
Romualdo
Hoa bada bitartean erostera, astoa!, ez zaik ezer jaiotzen; nire konpainiako mandoak hik baino gehiago zekik.
Eujenio
Esan iezaiok orain usainean ibili dela.
Romualdo
Hoa, hoa azkar, bestela botako haut zazpi egunerako gaztelura. (Liboriok egingo du joatera.)
Eujenio
Hartu itzak, bukatu ditiat; to, to. (Liborio bihurtuko da atetik zapatak hartu nahian.)
Romualdo
Hoa hortik urkilen bila, gero hartuko dituk hauek... euli-mandoa!... Har ezazu, hartu honelako mutila etxean... joan!! (Joango da besoak ibiliaz eta oinekin hots handia atereaz.)
Eujenio
Brum!!!… pum!!!… han zoak zezen-suzkoa! Hori duk labezomorroa! Hori joan izan bazen Melillara, garbitzen ditu Zaldi, Mitxina, Katu eta beltz guztiak… Ai Arroxa! Maiz asko eman beharko diozu kamamilaren ura bi axukre koxkorrekin pixka bat goxatzeko.
|
| |
 |
 |
|
|
|
 |
