|
Hamaikagarren Irudia
Koskor eta Roke (Biak eskuineko atzetik)
Koxkor (Patrikan janaria andrearentzat daramala) Hik gehiena jan duk.
Roke Nik? Mutil hik jan dizkiok bi hankak, bi egoak eta lepoa
Koxkor Bai, eta hik gainerako guztia.
Roke Ez duk egia. Hiri eman diat eta hik jan duk... zera... zereko zera...
Koxkor Bai, bai, zera...
Roke Horrengatik daukak horrelako berriketarako gogoa,
Koxkor Ederra zegoan! (Ezpainak igurtziaz)
Roke Orain banoak. Zer esan ote du Pantxok horrenbeste denboran zain jarrita? (On Pepitoren lekura joanaz) Oi!... Non da jaun hura?... Joan egin duk!... Eta nik utzi dizkiodan gauzak?
Koxkor Harantzago joango zuan arrantzara.
Roke Hago, bada, hemen... Ikustera noak han aurrera (Eskuineko aurretik joaten da)
|
