 |
|
|
|
|
Bilintx
ZIRIRIKUAK
1
Langilleen dantzetan
izaten geranak
bost arratsetan pruebak
dauzkagu emanak,
gure kontra izketan
aritu diranak
txit askoz engañatu
dirala dianak.
|
2
Ayek guregatikan
esan zutena da:
Barulloa sortzeko
kuadrilla ona da!!!
neskatxa onradurik
baldin juaten bada,
lotsatuta kanpora
irten biarra da.
|
3
Baita ere gauza onik
gurekin ez dala,
jaungoiko Bacok bere
mendean gauzkala;
ezagun da inbiriyak
prejitzen zauztela,
etzenduten gezurrik
sortuko bestela.
|
4
Eta segitu zuten
lenago bezala,
esanaz guziz gauza
segurua zala,
adornatutzen gure
dantzetako sala
dama onradurikan
izango etzala.
|
5
Oraindik deskontentu
esan zutenakin,
deskantsatu ziraden
añadituakin:
Alakorik batian
biar degu jakin
etxeratu zirala
txandarme banakin.
|
6
Dantzarako tokirik
ote zegon nonbait
galdezka Donostiyan
asi giñan zenbait;
uraxen topatzea
kostatu zan zerbait,
galarazi nayian
bazebillen norbait.
|
7
Noiz-ere-bait topatu
genduen tokiya,
aduana zarreko
zertegi aundiya,
dudan gaude illa dan
edo dan biziya,
eskuetatik itzul
egin zigun iya.
|
8
Nai baluteke ere
orain defenditu,
lengo itzak lazuan
arrapatzen ditu,
gure dantzak pakian
dira despeditu,
ayek esantakorik
ez da suzeditu.
|
9
Orain gelditzen gera
guziz ditxosuak,
irten geradelako
bitoriosuak,
guk bezela esango du
Donosti osuak,
¡bost gezur sortzen ditu
inbiriosuak!!
|
10
Gure dantzara damak
polit onraduak
etorritzen dirade
guztiz apainduak,
adornaturik ondo
gorputz ta buruak,
mantxarikan gabeko
birjiña puruak.
|
11
Gure dantzetan juan da
guziya konpleto,
damak serbitu dira
iñon baña obeto,
izandu diyotegu
milla errespeto,
berak kontentu daude
badakigu zierto.
|
12
Izan degu soñua
dantzatzeko diña,
bai eta damak ere
bana eta biña;
guziya izan da txit
ederki egiña,
bosti eman diyote
sabeleko miña.
|
Bilintx
Ikusi:
Bertso-papera: “Donostian, Pio Baroja-ren moldiztegian - 1852”. (Conde de Peñaflorida jaunaren paperen artean zegona, ta J. Arbelaiz ta J. J. Beloqui jaunen bitartez eskuratua) . (Galop Infernal eta Ziririkuak orri batean daude. Bertso auek jarritakoan Bilintxek etzuen ogei ta bat urte besterik).
|
| |
 |
 |
|
|
|
 |
