 |
|
|
|
|
Jose Vizente Echagaray
Eguberri Kantak
Donostiyako Santa Mariyako premileizan kantatubak 1815-garren urtean
Sarrera
1
Egurra ebakitzen
nekatu ta ondoan
aritz baten oñean
erdi lo nengoan;
amets egin dedala
dadukat gogoan,
guztizko berri onak
dirala beingoan.
|
2
Ekusi det zeruba,
gero begiyetan
argitasun aundi bat
alde guztiyetan;
norbaitek belarrira
esan dit onetan
Jauna jayoko dala
gaur amabiyetan.
|
Zortziko
1
Gau eder zoragarri
zoriyonekoa,
lurrera etorri zana
gure Jaungoikoa,
asmegitari onak
agindutakoa,
egunik argiyena
ez bezelakoa.
|
2
Ukullu zar batean
Belen-eko erriyan
gure Jesus jayo da
gabaren erdiyan;
jakindurik agudo
artzayak mendiyan
jatxi dira lasterka
denbora gutxiyan.
|
3
Izar argi eder bat
lagun arturikan
iru errege datoz
Oriyentetikan;
galdezka igaro dira
Jerusalendikan,
Jesusaren jayotzaz
duten berririkan.
|
4
Ekusi ta ezagutu
dutenean Jauna,
lasterka jarri dute
lurrean belauna;
biyotzak altxaturik
Jesusarengana
irurak egin dute
eskariyo bana.
|
5
Aingeru zerukoak
lurrera etorriyak
Jesusen ingurutan
an daude guztiyak;
an daude erregeak,
an daude artzayak,
aur eder arri eman
nairikan begiyak.
|
6
Jesus eta Mariya
ona Joserekin,
ona emen aingerubak
soñu ederrakin;
ona zeru guztiya
Jaungoikoarekin,
ona gaurko gabean
lurrean gurekin.
|
Euskaritxoa
Guazen, ekus dezagun
aur jayo berriya,
guazen, egin zayogun
ongi etorriya;
guazen, eman zayogun
jana ta erariya,
oya, legorpea ta
jantzi-erantziya.
|
Ikusi:
"Euskal-Erria", IX, 1883, 542 orri-alde.
|
| |
 |
 |
|
|
|
 |
