|
Jose Vizente Echagaray
Donostiako Gazteak
Maisu Langille Festa,
Zanpanzart Iñaute Eguardian
1846-Garren Urtean
Martxa
1
Zanpanzart jauna iñaute azken
egun berdiñik gabea,
goizetik arrats aspertzen ez da
jan eranean jendea:
gaur langilleak, ase ta bete,
txit urri degu nekea,
eta andreak ardatza nagi,
beren linaya betea.
|
2
Soñuarekin kantari datoz
plaza berrira gazteak,
zortzi langille maisu azkarrak
eta beren emazteak:
Donostiarrak iñauterian
dira beti lenokoak,
zaldunak eta emakumeak
txit umore onekoak.
|
Zortzikoa
1
Lorua bezelaxe
nator kantatzera,
zeren biyotzetikan
maisu det euskera,
aditzen dezutenai
par eragitera,
eta neri esker onak
ager egitera.
|
2
Ez dakienarentzat
guztia da gaitza,
eta nere tokian
jar bedi bakoitza:
ez jakiñean dedan
zoruaren antza,
barkatuko zaitela
daukat esperantza.
|
3
Azkeneko gabean
nere lagunakin
kunplitu nayan nago
Donostiarrakin:
adiskide-legean
adiyo batekin,
urrengo aldi arte
esker onarekin.
|
4
Merezi ez ditugun
mesede aundiak,
ager egin dizkigu
aurten Donostiak:
ematen diozkagu
bertatik graziak,
eta gurekin dauden
alegin guztiak.
|
5
Erri eder alaya
Donostiakoa,
jende maitagarria
pare-bagekoa:
ar ezazu oroitzen
biotz gurekoa,
egiazko naitasun
beti betikoa.
|
6
Adiskidetasuna
arturik zuekin,
ezin sinistuz nago
barren-pozarekin:
munduak zuen fama
ondo dezan jakin,
zabalduko det gozoz
atsegiñarekin.
|
7
Zuen modu naikerak
ez ditu aztuko,
zuekiko ezaguerak
beñere damuko:
despeditzen zaituztet,
bañan ez betiko,
ez-adiyo, maiteak,
asko degu gaurko.
|
Despeida
Erriko agintari danentzat
nago atzarez betea,
arrazoya da gaur despeidako
esker onak ematea:
prestuak dira eta dakite
naitasun aundi gurea,
barkatutzeko egindako uts
jakinduria bagea,
ezaguturik ezin obea
degula borondatea.
|
Kontu Gero...
Goi goyenetik begira zauden
iru txorroko txapela,
geldirik utzi neskatxa arri,
kontu nerekin bestela:
aztu bazaitzu, jakiñ ezazu
pake guardian zaudela,
eta batere emakumerik
palaka ez dezazula.
|
IKUSI:
“Euskal-Erria”, XL, 1899, 126 orri-alde.
Kanta-papera: “San Sebastián. Imprenta de Pío Baroja. - 1846”. (Bonaparte-ren bertso-bilduma, The New Library, Chicago.)
Onek, asiera ta lenengo bi bertsoak, Euskal-Erria-k bezelaxe dakarzki, bañan urrena lau bertso ditu, ta oyek 1830-ngo Langille Maisuen festa-ko Zortzikoarenak dira.
Manterola-k ere (“Breve noticia...“, “Euskal-Erria”, VIII, 1883, 105 orri-alde) onela dio: “y el martes de 1846 se verificó la cuarta Comparsa de Oficios o artesanos. Para ella no se compuso más que nueva Marcha, pues se repitió el mismo Zortziko de 1830.)
1899 urtean Manterola illa zan; beraz, bertso auek Euskal-Erria errebistan atera zituanak, Manterola-k ezagutu etzuan tokiren batetik eskuratu zituan.
|
