 |
|
|
|
|
Biktoriano Iraola
Pelotariyak
Eibarko txikiya
Onen txestotik ateratzen da
pelota txit zatituba,
naiz bera izan txatar motela
edo naiz izan pisuba;
zenbait plazetan sartu azi du
patrikerako izuba,
lau modutara ezagututzen
dute guztien maisuba.
|
Billabonako Mainguba
Odol biziko pelotariya
plazaratu zan gazterik,
ez da ikusi iñor egiten
ark bezin sake gaiztorik;
aurrian jotzen dubenak berriz
egiñ nai ezik boterik,
pelota gogor ebakitzeko
ez da azaldu besterik.
|
Mardura
Ankaz azkarra, buruz abilla,
Plaza ongi du betetzen,
maneju ona dauka gañera
pelota ongi baztertzen;
kontrariyuak gutxitan diyo
nai aña bolia artzen,
oni partida irabazteko
ez ditu lan txarrak jartzen.
|
Elizegi
Erremontian nola elduta
biyak ederki dakizki,
indarra eta beso libria
sobra berekiñ daukazki;
zerbait maliziz jazten danian
duda gaberik da aski,
onenen kontra jokatu eta
irabazitzeko noski.
|
Baltaxar
Au da Marduren plaza laguna,
aurreko jokalariya,
begi zorrotz dun mutil ernia
biziro bildurgarriya;
kontrariyua bere lekuan
naiz ondo egon jarriya,
kontugabetzen bada aguro
artuko diyo neurriya.
|
Brau Txikiya
Errebes eder, lasai galaia,
meritu aundiko juak,
esnatuko du kontrariyua
tentatzen badauka luak.
A zer mutilla billatutzeko
txokuak edo txuluak!
Plaza danetan oparo ditu
irabaziyak txaluak.
|
Bergarrara
Indarrez jo ta egiten badu
pelotak zorrotz botia,
beso azpitik tiratutzeko
beretzako da obia;
egokiya ta sasoiekua,
batere bildur gabia,
dudarik gabe ez da erozeiñ
onlako ditxen jabia.
|
Brau zarra
Onen mugirak biziyak dira
beti partida danetan,
txantxarik gabe jokatutzen du
irabaztera benetan;
bere bolia fiñakin daki
pelota jartzen anketan,
orrengatik du kontra dubena
erabillitzen neketan.
|
Portal
Urte bete da geienez ere
txestoz egiña sarrera,
nonbait argatik erortzen zaizka
iñoiz pelotak lurrera;
baña bolia indartsu arrek
bultzatzen badu aurrera,
moda berriko kolejiyuan
egiña dauka karrera.
|
Meltxor
Mutiko pizkor korajetsua
asten danian saltatzen,
irixko gazte bizi-bizia
dirudi plazan jokatzen;
oso da fiña, argatik daki
azken tantoraño eltzen;
Meltxor’en faltan ez da partida
berialakuan galtzen.
|
Zarrak
Lizurume ta San Juan izandu
dira blekari osuak,
Joxe Juakin da Txikibar zalla
fin eta baliosuak;
Potona ona; Bega zimelak
jarriko ditu lazuak,
jokatu eta irabazteko
lagundutzera besuak.
|
Gaztiak
Sanperio eta Pasiegua,
Antonino ta bestiak,
azaltzen asi dira plazara
txit pelotari gaztiak;
antxen bildutzen dira galaiak
langilliakiñ nastiak,
gure oitura zarrak ez baitu
merezi galtzen uztiak.
|
|
| |
 |
 |
|
|
|
 |
