|
Gregorio Mujika. Pernando Amezketarra
25
ASTOA ETA ESKRIBAUA
Alegiako eskribauarentzat, Pernando zirikatzea bezalako festarik ez zen.
Behin hasi zen beti bezala ziri eta ziri, artzainak ezer ez zekitela esaten.
 Ezetz? -esan zion Pernandok-. Eskribauak gutxiago. Nire astoak ulertzen duana (entenditzen duana) ezetz berorrek paperean jarri?
Jarriko ez dut, bada gizona?
Ea... ea... Jarri beza arre!
Jarria dago.
Jarri beza... isooo!...
Jarria dago.
Orain jarri beza hau... -Eta mingaina aho-sabaian jarriaz astoari arinago ibili dadin egiten zaion hotsa egin zion.
Hori paperean jarriko duanik ez da oraindik jaio -esan zuen eskribauak.
Hori nire astoak ederki daki bada... Astoa eskribaua baino gehiago, arranotan!
|
